მარკოს როხო დაცვის ხაზში სხვადასხვა მცველებთან ერთად თამაშით მოხარულია.
"წითლების" რიგებში თამაშის პერიოდში როხოს ჯონი ევანსის, პედი მაკნეირის, კრის სმოლინგის, ტაილერ ბლეკეტის, რაფაელისა და ლუკ შოუს გვერდით მოუხდა თამაში.
მსგავსმა ცვლილებების გამო ზოგიერთი ფეხბურთელი შესაძლოა უკმაყოფილო იყოს, მაგრამ როხო აცხადებს, რომ თითოეულ ფეხბურთელთან ერთად სიხარულით თამაშობს. დაცვის ცენტრში უკანასკნელი პარტნიორი 19 წლის პედი მაკნეირი იყო, რომელმაც როხოსთან ერთად "ვესტ ჰემისა" და "ევერტონის" წინააღმდეგ ითამაშა.
"ბევრი ტრავმირებული ფეხბურთელის ყოლა კარგი არასოდეს არის, მაგრამ ეს დიდი კლუბია და მას კარგი ფეხბურთელები ჰყავს."
"მოხარული ვარ სხვადასხვა ბიჭებთან ერთად თამაშის გამო, რადგან მათთან ერთად თავს კომფორტულად ვგრძნობ. მე პედისთან ერთად ვითამაშე, რომელიც ნათელი მომავლის მქონე ფეხბურთელია. ტაილერმაც მოახდინა ჩემზე შთაბეჭდილება, მაგრამ მე უბრალოდ მოედანზე ყოფნა მიყვარს და ნამდვილად არ მანაღვლებს ვისთან ერთად ვთამაშობ."
"ეს ევროპის და ალბათ მსოფლიოს საუკეთესო ჩემპიონატია. ყოველთვის მიყვარდა პრემიერ-ლიგის ყურება და აქ თამაშიც მუდამ მსურდა."
"ფეხბურთი არის პირდაპირი, სწრაფი და ფიზიკურად დატვირთვადი, რაც გულშემატკივარს ჩემპიონატის სიყვარულს აიძულებს. აქ თამაში ძალიან მომწონს - გამოწვევების არ მეშინია."
როხომ ვან გაალის შესახებაც გააკეთა კომეტარი:
"ის ბრწყინვალეა. ყოველთვის მაძლევს რჩევებს თუ როგორ გავაუმჯობესო ჩემი თამაში და ჩემი მოძრაობა."
"ის არის მწვრთნელი, რომელსაც მუდამ გამარჯვება სურს და სწორედ ამას გვასწავლის ჩვენც."