დეილი ბლინდმა განაცხადა, რომ ის მოხარული იქნებოდა თუ კი მამის მსგავსად ლუი ვან გაალის გუნდის ლიდერი გახდებოდა.

ჰოლანდიელმა სპეციალისტმა უფროს ბლინდს საუკეთესო ლიდერი უწოდა, რომელიც კი ოდესმე გაუწვრთნია და ისიც განაცხადა, რომ დეილი ბლინდს ძალიან ბევრი სამუშაო აქვს მამის დონემდე მისაღწევად.

დენი ბლინდი "აიაქსის" დაცვის ხაზის განუყოფელი ნაწილი იყო და კლუბსა და ნაკრებს თავისი კარიერის დიდი ხნის განმავლობაში კაპიტნობდა.

"მწვრთნელის კომენტარი წავიკითხე. იმედი მაქვს მამას მცირედით მაინც დავემსგავსები. ჯერ ძალიან ახალგაზრდა ვარ და გაუმჯობესება შემიძლია."

"ეს ჩემთვის ახალი ეპოქაა და მე მოვედი იქ, სადაც ასევე ახალი ეპოქაა. მაგრამ ვიცი, რომ მე ლიდერობა შემიძლია. აუცილებლად უნდა ვისწავლო და გავაგრძელო წინსვლა. მე ჯერ კიდევ ყოველდღიურად ვსწავლობ." - განაცხადა დეილი ბლინდმა.

"მანჩესტერ იუნაიტედის" 17 ნომერი ჰოლანდიის ნაკრებთან ერთად უქმეებზე ევრო-2016-ის შესარჩევ მატჩებში მიიღებს მონაწილეობას. დეილის მამა, დენი ბლინდი ჰოლანდიის ნაკრების მთავარი მწვრთნელის, გუუს ჰიდინკის ასისტენტია.

"კვირას მამა ტელევიზორით ადევნებდა თვალს ჩემს თამაშს. მაგრამ მასთან ურთიერთობა თამაშამდე და მას შემდეგაც მაქვს."

წყარო: manutd.com