ინგლისის ნაკრების მთავარი მწვრთელი, როი ჰოჯსონი "მანჩესტერ იუნაიტედის" თავდამსმელს უეინ რუნის მოუწოდებს, რომ რაც შეიძლება მეტი გოლი გაიტანოს მომდევნო შეხვედრაში.
რუნის ანგარიშზე ინგლისის ნაკრების მაისურით გატანილი 41 გოლი ირიცხება. ჯიმი გრივზის შედეგამდე "წითელი ეშმაკების" კაპიტანს მხოლოდ სამი გოლი აშორებს.
"ვიმედოვნებ, რომ ის ამას შეძლებს. მინდა მან იმდენი გოლი გაიტანოს, რამდენიც შესაძლებელია. თუმცა მეორეს მხრივ ჩვენ არ ვფიქრობთ მხოლოდ ამაზე, ჩვენი მიზანი გამარჯვებაა." - განაცხადა ჰოჯსონმა "Daily Star"თან ინტერვიუში.
აქვე შეგახსენებთ, რომ მომდევნო ორ შეხვედრაში "სამი ლომი" ესტონეთისა და სან მარინოს ნაკრებებს დაუპირისპირდება.