ლუი ვან გაალმა უკმაყოფილება გამოთქვა იმის თაობაზე, რომ მარკოს როხო და ანხელ დი მარია არგენტინის ნაკრებში დიდ ხანს დაჰყოფენ.
უახლოეს შაბათს არგენტინის ნაკრები პეკინში ბრაზილიის ნაკრებს დაუპირისპირდება, სამი დღის შემდეგ კი ჰონკონგის ნაკრების წინააღმდეგ საჩვენებელ შეხვედრას გამართავს. შედეგად, "იუნაიტედის" ორი ფეხბურთელი კარინგტონს "ვესტ ბრომვიჩთან" მატჩამდე მხოლოდ რამდენიმე დღით ადრე დაუბრუნდება - როხოსა და დი მარიას 10 ათას მილიანი ფრენის გადატანა მოუწევთ, რაც ვან გაალის უკმაყოფილებას იწვევს:
"ჯერ კიდევ "ევერტონთან" შეხვედრამდე ვთქვი, რომ ჩვენი საქმე უკეთ უნდა ვაკეთოთ და სრულყოფილებას მივაღწიოთ. სწორედ ამისთვის გვჭირდება ვარჯიში, მაგრამ თითოეული ჩემი ფეხბურთელი მიემგზავრება. რჩებიან მხოლოდ დაშავებულები, რომლებიც ვერ ივარჯიშებენ. ასე რომ, მოცდა მომიწევს."
"ანხელ დი მარია და როხო ორ თამაშს ჩაატარებენ და ჰონკონგიდან დაბრუნდებიან. ისინი ჯეტლაგით იმგზავრებენ, რის გამოც მათ ვარჯიშზე უცებ გაშვებას ვერ შევძლებ. "ვესტ ბრომვიჩთან" მატჩამდე მათ მხოლოდ ორი-სამი დღე ექნებათ."
"ვიცი, რომ ეს ჩემი პრობლემაა და ჩვენ საფეხბურთო სამყაროში ვცხოვრობთ. მეც ვყოფილვარ ნაკრების მწვრთნელი, მაგრამ ეს არც ისე ადვილია, როგორც გგონიათ." - აცხადებს ვან გაალი.