"ბარსელონას" ცენტრალურმა მცველმა ხერარდ პიკემ განაცხადა, რომ "მანჩესტერ იუნაიტედში" დაბრუნებას არ გეგმავს იმისდა მიუხედავად, რომ სათამაშო დროის ნაკლებობას განიცდის კატალონიურ კლუბში.
ესპანელმა მცველმა ამ სეზონში 3 მატჩი ჩაატარა სასტარტო შემადგენლობაში. სპორტულ გაზეთებში კი გაჩნდა ინფორმაცია თითქოსდა პიკე "იუნაიტედში" აპირებდა კარიერის გაგრძელებას. შეგახსენებთ, რომ პიკემ "წითლები" 2008 წელს დატოვა.
პიკემ განაცხადა, რომ "კამპ-ნოუზე" აპირებს კარიერის დასრულებას და ყველაფრით კმაყოფილია:"ეს კლუბი მისი ისტორიის გამო, მისი თამაშის სტილის გამო მიყვარს. აქ ძალიან მომწონს. ვიმყოფები მსოფლიოს საუკეთესო კლუბში და არსად არ მსურს წასვლა."
"ცოტა ხნის წინ კლუბთან ახალი კონტრაქტი გავაფორმე და "ბარსელონაში" მსურს კარიერის დასრულება, როგორც ეს კარლეს პუიოლმა გააკეთა. ძალიან მიყვარს ეს ქალაქი და ვერც წარმომიდგენია აქედან სხვაგან წასვლა." - აცხადებს პიკე Four Four Two-თან.