რა გვასწავლა წინა შეხვედრამ.
"იუნაიტედის" სახელოვანმა შეტევამ კიდევ ერთი სამი ქულა და რაც უფრო მთავარია სანაკრებო პაუზის დროს ოთხეულში ადგილი მოგვიპოვა. მატჩში უამრავი მომენტი შეიქმნა, მაგრამ "იუნაიტედი" უკანასკნელ წუთამდე დაცვის კარგი თამაშით ანგარიშს ინარჩუნებდა. ეს იყო ნერვიული თამაში, მაგრამ შედეგი გაცილებით სჯობდა იმას, რაც გასულ წელს დევიდ მოიესმა აჩვენა "ევერტონთან" მატჩში.
ხუთი რამ, რაც ამ მატჩიდან გავიგეთ.
1. გჯეროდეთ ანხელ დი მარიასი"იუნაიტედის" "პანიკურ შენაძენებზე" ბევრი ჟურნალისტი წერდა. თუმცა დი მარიაში გადახდილი 59.7 მლნ. ფუნტი კარგ შეთანხმებად გამოიყურება. დი მარია მთელი მატჩის განმავლობაში აქტიური იყო, ტონი ჰიბერტს პრობლემებს უქმნიდა და რაც უფრო მნიშვნელოვანია - მარჯვენა ფეხით დარტყმის შემდეგ ტიმ ჰოვარდს შანსი არ დაუტოვა, გოლი გაიტანა, მოგვიანებით კი საგოლე გადაცემაც გააკეთა.
2. დე ხეამ გადაგვარჩინაწინა კვირაში "ვესტ ჰემთან" გაშვებული გოლის გამო დე ხეა გუშინდელ დღემდე კრიტიკის ქარ-ცეცხლში მოექცა. თუმცა დე ხეამ გუშინ ლეიტონ ბეინსს პენალტი აუღო, ოსმანისა და ოვიედოს დარტყმების შემდეგ კი ორი ბრწყინვალე სეივი განახორციელა. დე ხეას უდიდესი წვლილი მიუძღვის იმაში, რომ "იუნაიტედი" მეოთხე ადგილზე იმყოფება. ამან ესპანელს თავდაჯერებულობა უნდა შეჰმატოს და იმედი ვიქონიოთ, რომ გასული წლის "საუკეთესო ფეხბურთელის" შესრულებით არაერთ ასეთ მატჩს ვიხილავთ.
3. მეორე ტაიმში არასაკმარისი აქტიურობაუამრავი მიზეზი არსებობს იმისა, რომ "იუნაიტედის" თამაში პირველ ტაიმში შევაქოთ, მაგრამ მეორე ნახევარში გუნდი სადავეებს თმობს და მოწინააღმდეგეს შეხვედრაში დაბრუნების საშუალებას აძლევს. ასე იყო "ევერტონთან" მატჩშიც, განსაკუთრებით უკანასკნელ 20 წუთში, როცა სტუმრებმა "იუნაიტედს" შტურმი მოუწყეს. თითქოს მთელ გუნდს ავიწყდება ის, თუ რას ამბობს ვან გაალი ვარჯიშებზე ბურთის ფლობისა და ინიციატივის შესახებ. მწვრთნელმა ვალენსიას ნაცვლად მოედანზე ფელაინი შეუშვა, მაგრამ ბელგიელს უმარტივესად ატყუებდა ბეინსი. "იუნაიტედი" მოედნის ცენტრში არსებული სიცარიელის გამო ჯერ კიდევ "იტანჯება".
4. პედი მაკნეირი ლუკაკუს წინააღმდეგქაღალდზე ეს არათანაბარ ჭიდილად გვეჩვენებოდა: მსოფლიო კლასის ძლიერი ფორვარდი აკადემიის 19 წლის ფეხბურთელის წინააღმდეგ, რომელიც მხოლოდ მეორე შეხვედრას ატარებს "იუნაიტედის" რიგებში. ჩრდილო ირლანდიელმა კარგად წარმოაჩინა საკუთარი თავი "ვესტ ჰემთან" მატჩში, მაგრამ ყველაზე თამამ ოცნებებშიც კი ვერ წარმოიდგენდა, რომ იმავე მუხტით გააგრძელებდა. მაკნეირმა ლუკაკუ მთლიანად ჩაკეტა როგორც მაღალ, ისე დაბალ სართულზე. უნდა შევაქოთ ვან გაალიც, რომელმაც ზედიზედ მეორე ტაიმში ანდო დაცვის ხაზი მაკნეირს. მერე კი გამოვა ვიღაც და იტყვის, "იუნაიტედმა" პრინციპებს უღალატა.
5. LO LO LOOOOOOOOO RADAMEL FALCAOOOOრა თქმა უნდა, მეხუთე რამ, რაც დღეს ვისწავლეთ არის ის, თუ როგორ მოერგო ფალკაო "იუნაიტედს". წინა ორ შეხვედრაში რობინ ვან პერსისთვის მიცემული ორი საგოლე გადაცემით ფალკაომ დაამტკიცა რამდენად კარგად მოქმედებს და როგორი ინსტინქტები აქვს ცენტრალური თავდამსხმელის პოზიციაზე. რამდენიმე მომენტის გაცუდების შემდეგ კოლუმბიელმა როგორც იქნა თავისი სადებიუტო გოლის გატანა მოახერხა. გოლი კი გამარჯვების მომტანი გამოდგა. ამ ადამიანს გოლის წყურვილი აქვს და მისი ჩახშობა სურს.
"იუნაიტედი" საერთაშორისო შესვენებას "სიტისთან" მხოლოდ სამ ქულიანი ჩამორჩენით ხვდება. რა კრიზისზე საუბრობდნენ ჟურნალისტები?
წყარო:
mufclatest