"ოლდ ტრაფორდზე" შეკრებილი ქომაგი დავიდ დე ხეას მიერ შეხვედრის უკანასკნელ წუთებზე ბრაიან ოვიედოსთვის აღებული ბურთის შემდეგ ესპანელ მეკარეს უმღეროდა. დე ხეას მსოფლიო კლასის ჩვენება და შესანიშნავი სეივები "მანჩესტერ იუნაიტედს" სამი ქულის აღებაში დაეხმარა. ოვიედოსთვის აღებული ბურთის გარდა დე ხეამ ლეონ ოსმანსა და ლეიტონ ბეინსსაც გააცუდებინა მომენტები. ამ უკანასკნელმა პრემიერ-ლიგაში შესრულებული 15 პენალტიდან ერთადერთი ვერ გამოიყენა.
"მანჩესტერ იუნაიტედში" თამაშის პერიოდში ეს ჩემი ერთ-ერთი ყველაზე კარგი მატჩია. ძალიან ბედნიერი ვარ ჩემი სეივების, მოგებისა და გუნდის გამო. გულშემატკივრების შესახებ რამის თქმა რთულია. როცა ისინი შენ სახელს ასე მღერიან, უბრალოდ ვერ იჯერებ."
"ბეინსის შესრულებული პენალტები მანამდეც მინახავს, მაგრამ ხანდახან იღბალი გჭირდება. გადავწყვიტე ჩემგან მარჯვნინ გადავმხტარიყავი და პენალტი ამეღო. ვფიქრობ, მეკარისთვის თითოეული სეივი მნიშვნელოვანია, მაგრამ დაცვის ოთხეულმა კარგად, ძალიან კარგად ითამაშა. პედი ახალაზრდაა, მაგრამ ძალიან მშვიდია და ბურთთან ერთად თამაშობს. ვფიქრობ, მარკოსთან ერთად კარგად იცავენ გუნდს."
"ვფიქრობ ეს უმნიშვნელოვანესი სამი ქულაა. ძალიან საჭირო სამი ქულა ოთხეულში შესასვლელად. ჩვენ ეროვნულ ნაკრებებში უნდა წავიდეთ, მაგრამ დავბრუნდებით და პროგრესს გავაგრძელებთ."
"დი მარის მსგავსი ფეხბურთელის მოყვანით გუნდმა თავდაჯერებულობა შეიძინა. მასთან ერთად ყველაფერი განსხვავებულია. ის ტოპ-კლასის ფეხბურთელია და ბევრ გოლს გაიტანს. იმედი მაქვს, ეს ფალკაოსთვის ერთ-ერთი პირველი გოლი იქნება. მას საგოლე ალღო და მკვლელის ინსტინქტი აქვს. საბედნიეროდ მას უფრო მეტი გოლის გატანა შეუძლია."