"მანჩესტერ სიტი" მარკო როისის ტრანსფერის შანსებს განიხილავს. ქალაქელები მესამე წელია რაც ინტერესს გამოხატავენ გერმანელი ვინგერის მიმართ.
დორტმუნდი მზადაა მარკოს ახალი კონტრაქტი შესთავაზოს, თუმცა ეს უკანასკნელი აცხადებს, რომ სურს სეზონის დასრულებას დაელოდოს და შემდეგ მიიღებს გადაწყვეტილებას.
ეს მუხტს აძლევს ორივე მანჩესტერულ კლუბს და ასევე "ლივერპულსა" და "არსენალს", რომელებიც უარს არ იტყოდნენ შესაძლო ტრანსფერზე.
თუ როისმა კონტრაქტი არ გაახანგრძლივა მის ამჟამინდელ კლუბთან, მაშინ მისი სატრანსფერო თანხა დაახლოებით 20 მილიონი იქნება. ეს კი შესაძლოა "ქურდობად" უფრო ჩავთვალოთ ვიდრე ტრანსფერად.
"სევილიიდან" გადმოსვლის შემდეგ ხესუს ნავასი ვერაფრით შეეგუა გუნდს და მარკო როისის სახით "ქალაქელებს" დიდი ძალა შეემატებათ თუ მათ ყველაზე მეტი ინტერესი გამოიჩინეს ახალგაზრდა გერმანელის მიმართ.