მოსალოდნელია, რომ დღევანდელ მატჩში გუნდის კაპიტანი რობინ ვან პერსი იქნება, იქიდან გამომდინარე, რომ უეინ რუნი სამ მატჩიანი დისკვალიფიკაციის გამო ვერ ეხმარება გუნდს.

ჰოლანდიის ეროვნული ნაკრების კაპიტანი სამკლაურს წითელი ეშმაკების მაისურზეც მოირგებსმ ვინაიდან რუნის არ ყოფნაში და დარენ ფლეტჩერის არასახარბიელო ფორმაში იგი ერთადერთი ნათელი კანდიდატია კაპიტნობისა.

ეს დიდი მუხტი იქნება რობინისთვის, რომელიც მთელი მუნდიალის განმავლობაში კაპიტნობდა ჰოლანდიის ნაკრებს.

სეზონის დასაწყისში, ლუი ვან გაალმა რაიან გიგზისგან და სხვა გავლენიანი პირებისგან მიიღო რჩევა, რუნის კაპიტნად დანიშვნის თაობაზე, ახლა კი მას საშუალება მიეცა ისევ რობინ ვან პერსის მიანდოს გუნდის სადავეები.

ასევე ცნობილია, რომ დარენ ფლეტჩერი სათადარიგოთა სკამზე იქნება "ევრტონთან" მატჩის დროს. ანტონიო ვალენსია კი შეეცდება ტრავმირებული ანდერ ერერა ჩაანაცვლოს.

ხუან მატა თავის ჩვეულ პოზიციას დაუბრუნდება და რადამელ ფალკაოსა და რობინ ვან პერის უკან იმოქმედევს. დაცვა კი ალბათ შეუცვლელი იქნება, ზუსტად იგივე რაც, "ჩაქუჩებთან" მატჩის დროს იყო.

ეს იმას ნიშნავს, რომ 19 წლის პადი მაკნაირისთვის მორიგი გამოწვევა მზადდება. "პადი ერთადერთი მცველია, რომელსაც მარჯვენა ფეხით თამაში შეუძლია." აცხადებს ვან გაალი.

"გასულ კვირას მე სწორედ მას მივეცი შანსი და მან კარგად გაართვა თავი დაკისრებულ მოვალეობას. მის ასაკში რთულია მაღალ დონეზე რეგულარულად თამაში და სწორედ ეს არის მისთვის უდიდესი გამოწვევა."

წყარო: Mirror