არგენტინელი მცველი, მარკოს როხო სულ რაღაც ორი თვის განმალობაში ირიცხება "იუნაიტედის" რიგებში, მაგრამ ამ პერიოდში მან უკვე მოასწრო ქალაქში თავის დამკვიდრება.

"ყველაფერი კარგად მიდის. ჩემი ოჯახი ჩემთან ერთად იმყოფება, რაც ძალიან კარგია. აქ ცხოვრებისგან სიამოვნებას ვიღებთ. ჯერ კიდევ სახლის შერჩევის პროცესში ვართ, ასე რომ, ისევ სასტუმროში ვცხოვრობ. მაგრამ ძალიან ბედნიერი ვარ ქალაქში. მანჩესტერი ძალიან მომწონს."

"ჯერ-ჯერობით მხოლოდ სამი თამაში ვითამაშე. ერთ-ერთი მათგანი წავაგეთ, მაგრამ მაინც ვფიქრობ, რომ კარგად გამოვიყურებით."

როხო ანხელ დი მარიასთან ერთად ინგლისურის გაკვეთილებზე დადის: "ინგლისური ენა ძალიან მომწონს, ასე რომ, გაკვეთილებზე მუდამ აღელვებული და სწავლას მოწყურებული დავდივარ. ამ გზით თანაგუნდელებთან უკეთესი კონტაქტის საშუალება მექნება. ორივე ჩვენგანი დიდი მონდომებით ვსწავლობთ. სწავლა კარგად მიდის და ერთად სწავლა ძალიან მხიარულად გამოგვდის."

როხოს თქმით, მისი გაოცება "ოლდ ტრაფორდზე" არსებულმა არმოსფერომ გამოიწვია: "მსოფლიოს უამრავ სტადიონზე მითამაშია, მაგრამ "ოლდ ტრაფორდის" გვირაბიდან გამოსვლისას არსებული ატმოსფერო ის არის, რაც ჩემი კარიერის განმავლობაში არასდროს გამომიცდია."

წყარო: manutd.com