ანხელ დი მარიას განცხადებით, ყოველ ჯერზე, როცა ის ბურთს ეხება "იუნაიტედის" ქომაგთა მხარდაჭერას გრძნობს და ფიქრობს, რომ "ოლდ ტრაფორდზე" თავს იმკვიდრებს.
"ისეთი კლუბის დატოვება, როგორიც "რეალია" და ისეთ დიდ კლუბში გადასვლა, როგორიც "მანჩესტერ იუნაიტედია" კარიერაში წინსვლისა და ზრდის საშუალებას გაძლევს. ეს უმნიშვნელოვანესი მომენტი იყო ჩემთვის და აქ უბედნიერესი ვარ."
"ყოველი გასული დღის შემდეგ თავს უფრო მშვიდად და დამკვიდრებულად ვგრძნობ. მე სახლში ვიმყოფები და ჩემი ოჯახი ძალიან ბედნიერია."
"ჩემი მოსვლის დღიდან ხალხი სითბოს მაჩვენებს - თითოეული კუთხურის ან ჯარიმის დროს, თუნდაც უშუალოდ ღია თამაშის დროს, ყოველ ჯერზე, როცა ბურთით ვარ ზურგს უკან მათ მხარდაჭერას ვგრძნობ. ეს საშუალებას გაძლევს თავი ყოველთვის ბედნიერად იგრძნო. იმედი ვიქონიოთ, რომ ყველაფერი რიგზე იქნება და აქ დიდი ხნის განმავლობაში დავრჩები."