ლუი ვან გაალი მიიჩნევს, რომ "მანჩესტერ იუნაიტედი" თამაშს ვერ განავითარებს, თუ კი დისციპლინას არ დაიცავს.
ჰოლანდიელი მწვრთნელის მომდევნო გამოცდა "ევერტონის" წინააღმდეგ მოეწყობა, რომელსაც "იუნაიტედი" 9 ფეხბურთელის დანაკლისით ხვდება.
ვან გაალის შემტევმა ფეხბურთელებმა ანხელ დი მარიასა და რადამელ ფალკაოს მოსვლის შემდეგ 9 გოლი გაიტანეს, მაგრამ მოედნის სხვა ნაწილში ისინი სუსტად გამოიყურებიან.
კითხვაზე, თუ როდის დაიწყებს "იუნაიტედი" 90 წუთის განმავლობაში კარგი თამაშის ჩვენებას, ვან გაალმა უპასუხა:
"ეს არასოდეს იცი, რადგან ეს დროის საკითხია."
"ქპრ"-სა და წინა შეხვედრის პირველ ტაიმში შემტევ და კრეატიულ ფეხბურთს იხილავდით. მაგრამ მინდა ბურთი ასე ადვილად აღარ დავკარგოთ. ეს არის ჩვენი პრობლემა და არა ჩვენი დაცვა."
"ჩვენ ადვილად ვკარგავთ ბურთს, მაგრამ ეს გუნდის ხასიათია, რადგან ბევრი კრეატიული ფეხბურთელი გვყავს და მათ დისციპლინა აკლიათ."
"ასე რომ, ჩვენ ბალანსი გვჭირდება - არამარტო შეტევა, არამედ თავდაცვაც." -განაცხადა ვან გაალმა.
"იუნაიტედის" დაცვა ძლიერ კრიზისშია, რადგან ტრავმიანობამ იმატა და ფაქტია, რომ ვან გაალს მაღალი კლასის მცველი არ შეუძენია.
"მინდა ჩემი დაცვის ორგანიზება გავაუმჯობესო, მაგრამ თავდაცვა შეტევის პოზიციიდან იწყება. პრესა ხშირად წერს, რომ პრობლემა სუსტი დაცვაა, მაგრამ მინდა აგიხსნათ და ფეხბურთისადმი თქვენი ცოდნა განვავითარო."
"ეს გუნდური სამუშაოა, ასე რომ გოლის გაშვება მხოლოდ დაცვის შეცდომის ხარჯზე არ ხდება. ეს სადღაც სხვაგან იწყება და სწორედ მისი ანალიზი და გაუმჯობესება გვჭირდება."
"გუნდების უმრავლესობა ჩვენთან კონტრ-შეტევის, კუთხურის ან ჯარიმის შემდეგ იტანს გოლს. მათ გოლი ჩვენ მსგავსად პირველი, მეორე, მესამე და მეოთხე ფაზით შეტევის ორგანიზებით არ გააქვთ."
"აი ეს არის თავდაცვა და თუ გინდა რომ დიდი გუნდი იყო, სწორედ ასე უნდა თამაშობდე."