ლუი ვან გაალი მხარს უჭერს შუა კვირაში ამხანაგური მატჩების ჩატარებას.
მმართველმა დირექტორმა, რიჩარდ არნოლდმა მიმდინარე კვირის დასაწყისში განაცხადა, რომ "იუნაიტედი" 2015 წელს ამხანაგური მატჩების ჩატარებას გეგმავს.
მატჩების ძირითადი დანიშნულება ევროტურნირებზე ვერ მოხვედრის გამო დაკარგული თანხის ანაზღაურება იქნება.
"ამ იდეას ვეთანხმები."
"წინა კვირას ედ ვუდვორდსა და რიჩარდ არნოლდს ვესაუბრე, ასე რომ, სავსებით მხარს ვუჭერ."
"შუა კვირაში თამაშების გამართვას მიჩვეული ვარ, მაგრამ უნდა ვთქვა, რომ პირველი სამი თვის განმავლობაში მოცდა მოგვიწევს, რადგან მოთამაშეებს ახალ სათამაშო სტილსა და ორგანიზებასთან შეგუება სჭირდებათ."
"ეს კარგია, რადგან მაღალი დონის მოწინააღმდეგეებთან თამაში მიყვარს."