ანხელო ენრიკესი, რომელიც ზაგრების "დინამოში" წარმატებით გამოდის აცხადებს, რომ "მანჩესტერ იუნაიტედის" სამწვრთნელო შტაბთან მუდმივი კონტაქტი აქვს, თუმცა არც ხორვატიაში დარჩენის ვარიანტს გამორიცხავს.

"არ ვფიქრობ, რომ "დინამოში" ჩემი გადასვლა უკან გადადგმული ნაბიჯია. ეს სათამაშო პრაქტიკისა და ევროპულ ფეხბურთთან გაცნობის კარგი საშუალებაა. "დინამო" განსაკუთრებული გამოწვევაა ჩემთვის, რადგან ის ხორვატიის საუკეთესო კლუბის წოდებისათვის იბრძვის, რაც პირადი მიზნების მიღწევაში დამეხმარება."

"მანჩესტერ იუნაიტედში" მომუშავე ხალხთან მუდმივი კონტაქტი მაქვს. არა ლუი ვან გაალთან, მაგრამ კარინგტონზე მომუშავე ხალხთან და მწვრთნელებთან. მათ თითოეული დეტალის ცოდნა სურთ - ვარჯიშების როგორი ინტენსივობაა, როგორი კვებაა, როგორ ვცხოვრობ ზაგრებში. ამის გათვალისწინებით მიმაჩნია, რომ "იუნაიტედში" არავის დავვიწყებივარ და მე ჯერ კიდევ ამ გუნდის წევრი ვარ."

"დავრჩები თუ არა "დინამოში" იჯარის ვადის ამოწურვის შემდეგ? მსმენია ასეთი ვარიანტის შესახებ, მაგრამ სიმართლე გითხრათ არ ვიცი რა ვთქვა. პრინციპში, აქ დარჩენის წინააღმდეგი არ ვარ, რადგან ეს დიდი კლუბია და თუ ყველაფერი კარგად განვითარდება, შემიძლია "დინამოში" თამაში გავაგრძელო"

წყარო: manutd.ru