"მანჩესტერ იუნაიტედის" დირექტორი, სერ ბობი ჩარლტონი კუჭის ტკივილის გამო გოლფის მატჩის მსველობისას საავადმყოფოში იქნა გადაყვანილი.
შოტლანდიის პატარა ქალაქში, სენტ-ენდრიუსში გაიმართა გოლფის საქველმოქმედო მატჩი, რომელშიც რუუდ გულიტი და სერ ბობი ჩარლტონი ერთ გუნდში თამაშობდნენ. მატჩის მსვლელობისას ჩარლტონმა ძლიერი ტკივილები იგრძნო, რის გამოც მედიკოსებს მიმართა.
თვითმხილველთა ცნობით, სერ ბობი ჩარლტონმა საავადმყოფოში მცირე დრო დაჰყო, რის შემდეგაც სასადილოდ თავის სასტუმროში დაბრუნდა.
მიუხედავად იმისა, რომ ბობი ამჟამად თავს კარგად გრძნობს, აუცილებელი სამედიცინო გამოკვლევის ჩატარების შემდეგ ტურნირში მისი მონაწილეობა ექიმების მიერ აიკრძალა.