"მანჩესტერ იუნაიტედის" ესპანელი მეკარე, დავიდ დე ხეა "ევერტონის" ამერიკელი მეკარის, ტიმ ჰოვარდის მისამართით საქებარ სიტყვებს არ იშურებს.

შეგახსენებთ, რომ MLS-ის საფეხბურთო კლუბიდან, "მეტროსტარსიდან" 2003 წელს გადასვლის შემდეგ ტიმ ჰოვარდმა "ოლდ ტრაფორდზე" სამი სეზონი გაატარა. 2004 წელს "იუნაიტედმა" ჰოვარდის დახმარებით ასოციაციის თასი მოიგო. 2006/07 წლების სეზონში ამერიკელმა მეკარემ კარიერის გაგრძელება "გუდისონ პარკზე" გადაწყვიტა და მას შემდეგ საკლუბო და სანაკრებო დონეზე ბრწყინვალედ გამოიყურება.

ბრაზილიის მსოფლიო ჩემპიონატზე ბელგიის ნაკრების წინააღმდეგ ჰოვარდის თამაში ერთ-ერთ საუკეთესო გამოსვლადაა აღიარებული. აშშ-სა და ბელგიის ნაკრების დაპირისპირებაში ჰოვარდმა 16 სეივი განახორციელა. მისი გამოსვლა უყურადღებოდ არ დარჩენია ამერიკის პრეზიდენტსაც კი, რომელმაც თეთრი სახლიდან სატელეფონო ზარის საშუალებით ჰოვარდს შესანიშნავი თამაში მიულოცა.

ობამას მსგავსად დე ხეაც მოხიბლული დარჩა ამერიკელი მეკარის თამაშით:

"შესაძლოა მის გარეშე ნაკრები 5-6 ნოლს წააგებდა. შესანიშნავად ითამაშა. როცა ასე თამაშობ, შენი თავდაჯერებულობა უბრალოდ იზრდება. იმედი გაქვს, რომ ყოველთვის იასპარეზებ."

"ის ძალიან გამოცდილი მეკარეა, რომელმაც ბევრი, ძალიან ბევრი მატჩი ჩაატარა პრემიერ-ლიგაში. ის მამაცია, სწრაფია და დარტყმას შესანიშნავად აჩერებს. უბრალოდ დიდებული მეკარეა." - განაცხადა დე ხეამ.

წყარო: manutd.com