"მანჩესტერ იუნაიტედის" ახალი შვიდი ნომერი, ანხელ დი მარია "ოლდ ტრაფორდზე" არსებულ ტიტულების მუზეუმს ეწვია. ვიზიტის მიზანი 7 ნომრიანი მაისურის ისტორიასთან გაცნობა გახლდათ.
"მუზეუმის სტუმრობა და კლუბის ისტორიასთან გაცნობა დიდებული იყო. ჩემთვის დიდი პატივია 7 ნომრიანი მაისურის ტარება, რადგანაც წარსულში მას ისეთი ლეგენდები ატარებდნენ, როგორებიც ჯორჯ ბესტი, ერიკ კანტონა, დევიდ ბექჰემი და კრიშტიანუ რონალდუ არიან. იმედი მაქვს ერთ დღეს მეც ისეთივე გმირი ვიქნები გულშემატკივართათვის, როგორც ისინი იყვნენ." - განაცხადა არგენტინელმა ვარსკვლავმა.
მუზეუმის ამჟამინდელ გამოფენაში "ბესტის კარიერა", "უეინ რუნის 10 წელი" და "იუნაიტედი" ომის დროს" შედის - ეს უკანასკნელი ორივე მსოფლიო ომის დროს "იუნაიტედის" მდგომარეობას ასახავს.
"მანჩესტერ იუნაიტედის" მუზეუმი ოქტომბრის ბოლომდე უფასოა და მისი დათვალიერება ნებისმიერ მსურველს შეუძლია.