"მანჩესტერ იუნაიტედმა" კოლუმბიელ ფორვარდთან, რადამელ ფალკაოსთან პირადი კონტრაქტის პირობები შეათანხმა. როგორც მოსალოდნელია, "იუნაიტედი" ფალკაოს 2014/15 წლების სეზონის შემდეგ სრულფასოვნად შეიძენს.
შეთანხმების შედეგად ფალკაო კვირაში 250 ათას ფუნტს მიიღებს. ამ თანხაში ბონუსებისა და ფალკაოს გამოსახულებიანი პროდუქციის გაყიდვისგან მიღებული შემოსავალი არ შედის.
ფალკაო "მანჩესტერ იუნაიტედს" "მონაკოდან" ერთ წლიანი იჯარის წესით შეუერთდა, რომლის ამოწურვის შემდეგ ინგლისელებს კონტრაქტის სრულად გამოსყიდვის უფლება ექნებათ.
ადრე გავრცელებული ცნობის თანახმად, "იუნაიტედი" ფრანგულ კლუბსაც შეუთანხმდა სატრანსფერო ღირებულების შესახებ 43 მლნ. ფუნტის ოდენობით. თუმცა, იმ შემთხვევაში, თუ ფალკაო მუხლის ტრავმას გაიმიზეზებს, "იუნაიტედს" უფლება რჩება კოლუმბიელი ფრანგულ კლუბში დააბრუნოს.