კრიშტიანუ რონალდუ "ოლდ ტრაფორდს" მომდევნო თვეში დაუბრუნდება. "იუნაიტედის" საშინაო სტადიონი არგენტინისა და პორტუგალიის ნაკრებებს შორის ამხანაგურ დაპირისპირებას უმასპინძლებს.
პორტუგალიის საფეხბურთო ფედერაციას, არგენტინის საფეხბურთო ასოციაცასა და "მანჩესტერ იუნაიტედის" წარმომადგენლებს შორის მოლაპარაკებები უკვე მიმდინარეობს. შეთანხმების შემთხვევაში "ოლდ ტრაფორდი" მსოფლიო ფეხბურთის ორ ვარსკვლავს, კრიშტიანუ რონალდუსა და ლიონელ მესის ერთად უმასპინძლებს.
ამგვარი ამხანაგური შეხვედრის შედეგად "იუნაიტედიცა" და ორივე ქვეყნის საფეხბურთო ასოციაცია/ფედერაცია მნიშვნელოვან ფინანსურ მოგებას მიიღებს. დეტალები უახლოეს დღეებში გახდება ცნობილი.
პორტუგალიისა და არგენტინის ნაკრებების შეხვედრა ზუსტად იმავე დღეს გაიმართება, როცა ინგლისისა და შოტლანდიის ნაკრებების მატჩი.
მადრიდის "რეალში" გადასვლის შემდეგ კრიშტიანუ რონალდუ "ოლდ ტრაფორდზე" მეორედ დაბრუნდება. პირველი ასეთი შემთხვევა 2013 წლის მარტში ჩემპიონთა ლიგის ეგიდით "მანჩესტერ იუნაიტედისა" და "რეალის" 1/8 ფინალურ დაპირისპირებაში მოხდა.