"მანჩესტერ იუნაიტედის" გულშემატკივარი ცნობილია თავისი მგრძნობიარე მხარდაჭერით, მაგრამ ალბათ ყველას გაგაოცებთ პატარა ბიჭი, რომელმაც თავისი ფერების საჩვენებლად უნიკალური საშუალება იპოვა.
რობი ჯონსს, რომელმაც სულ ახლახანს იზეიმა თავისი მერვე დაბადების დღე და რომელიც სურათზე მამასთან ერთად არის გადაღებული, 21 თვის წინ მინინგიტის დიაგნოზი დაუდგინეს. ეს იმას ნიშნავს, რომ მისი ორივე ფეხის ამპლუტირება გახდა საჭირო, რის გამოც რობის პროთეზის კიდურების გამოყენება მოუწევს. პატარა "ეშმაკმა" სწორედ პროთეზი გამოიყენა თავისი მხარდაჭერის საჩვენებლად.
"ექიმებმა ჰკითხეს, თუ ვის უჭერდა მხარს და სურდა თუ არა ფეხებზე რამე დაეხატა." - აცხადებს რობის დედა, ჯილი.
"მე "სანდერლენდის" ქომაგი ვარ, მამამისი უეინი, კი "ნიუკასლის" გულშემატკივარი. ასე რომ, ვიფიქრეთ რომელიმე მათგანს აირჩევდა. მაგრამ რობიმ თქვა: "არა, ორივე "იუნაიტედის" უნდა იყოს." წინა თვეში ახალი პროთეზის კიდურები მიიღო, რომელიც ახლა ოთხაშია. სკოლაში შორტსაც იცვამს ხოლმე, ასე რომ, მას შეუძლია მეგობრებს აჩვენოს "იუნაიტედის" ემბლემა."
რობი, რომელიც "მანჩესტერ იუნაიტედის" ჰოლანდიელი თავდამსხმელის, რობინ ვან პერსის ქომაგია, მალე "ოლდ ტრაფორდზე" სპეციალური სტუმრის სტატუსით მოწვევას მიიღებს.