"ვესტ ჰემთან" მატჩის შემდგომ ტომ ტორპს იმედი გაუჩნდა, რომ იგი პირველი გუნდის მაისურს კიდევ ერთხელ მოირგებს.
21 წლის ფეხბურთელი შეხვედრის მიწურულს შევიდა მოედანზე და ლუი ვან გაალის გუნდს ანგარიშის შენარჩუნებაში დახმარება გაუწია. მის გარდა შაბათს დებიუტი ჰქონდა პედი მაკნეირსაც, რომელმაც შეხვედრა პირველივე წუთებიდან ცენტრალური მცველის პოზიციაზე მარკოს როხოს პარტნიორად დაიწყო. "პედიმ შესანიშნავად ითამაშა. მისმა თავურმა გოლისგან გადაგვარჩინა, ასე რომ პედი შესანიშნავი იყო. ძალიან მოხარული ვარ, რომ ვითამაშე და იმედს ვიტოვებ უფრო მეტი თამაშის საშუალება მომეცემა. მე "იუნაიტედის" ქომაგი ვარ და ასეთ ასაკში აქ მოხვედრა ძალიან მახარებს. ბედნიერი ვარ, რომ პირველ გუნდში მოვხვდი."
"რამდენიმე ახალგაზრდა ფეხბურთელს ჰქონდა ამ სეზონში დებიუტი და თითოეულმა მათგანმა თავი კარგად წარმოაჩინა. როგორც კი ცოტა შანსი მოგეცემა, უფრო მეტის სურვილი გიჩნდება და იმედი მაქვს მომეცემა კიდეც."
ორშაბათს, "მანჩესტერ იუნაიტედის" სარეზერვო გუნდი "ტოტენჰემის" სარეზერვო გუნდს დაუპირისპირდა და ტომ ტორპის მიერ შეხვედრის ბოლო წუთებზე გატანილი გოლის წყალობით 2-1 სძლია.
"გამარჯვებით მოხარულები ვართ. ეს იყო კარგი თამაში და კარგი ტესტი. პირველ ტაიმში თავით შევეჯახე მეტოქეს, რის გამოც მარნიკ ვერმიმ მითხრა, რომ ვერ წარმოიდგენდა თუ თავურ გოლს გავიტანდი."