"მანჩესტერ იუნაიტედის" დებიუტანტმა, პედი მაკნეირმა "ვესტ ჰემთან" თამაშისთვის მთელი რიგი აპლოდისმენტები დაიმსახურა. დანარჩენებს არც უეინ რუნი ჩამორჩა და კაპიტანმა საქებარი სიტყვებით შეამკო ახალგაზრდა ფეხბურთელი.
"ეს ყველაზე რთული ტესტი იყო, რასაც ახალგაზრდა მცველი შეიძლება წააწყდეს, რადგან მას თამაში მოუხდა გუნდთან, რომელიც ჩაწოდებებს ხშირად იყენებს. თუმცა პედიმ ყველაფერს გაუძლო და კარგად გამოიყურებოდა, განსაკუთრებით მეორე ტაიმში. ძალიან რთული ფიზიკური სიძლიერისა და აგრესიის წინააღმდეგ მოუხდა თამაში, მაგრამ ყველაფერს უმკლავდებოდა და ყველანი მოხარულნი ვართ მის გამო."
მაკნეირის ყველაზე გასაოცარი თამაში მატჩის მიწურულს ვიხილეთ, როცა მან საოცარი თავურით საჯარიმოში წარმოქმნილი სახიფათო მდგომარეობა განმუხტა და ენერ ვალენსიას გოლის გატანის საშუალება არ მისცა.
"მის მიერ მატჩის ბოლოს განმუხტული მდგომარეობა ვნახე. ვიფიქრე, რომ ჩვენთვის თავი დადო."
პედი ერთ-ერთი ფეხბურთელია შვიდთაგან, რომელსაც ლუი ვან გაალმა პირველ გუნდში თავის გამოჩენის საშუალება მისცა.
"მიუხედავად იმისა, რომ ტომ ქლევერლი იჯარით "ასტონ ვილაში" და დენი უელბეკი "არსენალში" გავუშვით, ჩვენ ახალგაზრდები მოვიყვანეთ გუნდში, როგორიც მაგალითად ტაილერ ბლეკეტი გახლავთ, რომელმაც წინა შეხვედრამდე ყველა თამაშში მიიღო მონაწილეობა. სიტუაცია მწვრთნელზე იყო დამოკიდებული და მან პედი მოიყვანა გუნდში, რითაც აჩვენა, რომ გუნდში ახალგაზრდების მოწვევა არ აშინებს."