იტალიური გამოცემა Tuttomercatoweb–ის მტკიცებით, "იუნაიტედი" დაცვის ხაზის გაძლიერებას ახალგაზრდა იტალიელი მცველით, ანხელო ოგბონათი შეეცდება.
"იუნაიტედი" 12 მილიონიანი შეთავაზებით შეეცდება "იუვეს" დარწმუნებას. თავად ფეხბურთელს კლუბის გამოცვლა კონკურენციის გამო სურს. მაგრამ შეიძლება კონკურენცია გაიზარდოს. საქმე იმაშია, რომ ოგბონათი ლონდონის "არსენალიც" ინტერესდება, თუმცა ამ პრობლემის აღმოფხვრა ვან გაალს შეუძლია.
"იუნაიტედის" თავკაცი აპირებს კრის სმოლინგის "ემირეითზე" გაშვებას, მას შემდეგ რაც დარწმუნდება, რომ ოგბონა "ოლდ ტრაფორდზე" გადმოვა. ეს იქნება ყველაზე კარგი ვარიანტი, იმის გათვალისწინებით, რომ არსენ ვენგერი უკვე დიდი ხანია ცდილობს სმოლინგის გადაბირებას.
The mirror იუწყება, რომ ვან გაალის ფართო ინტერესთა სიაში კიდევ ერთი მცველი მოექცა, საუბარია "ვესტ ჰემის" 26 წლის მცველ უინსტონ რიდზე, რომელსაც "ჩაქუჩებთან" კონტრაქტი სეზონის ბოლოს ეწურება.