ჰოლანდიის ნაკრებისა და "მანჩესტერ იუნაიტედის" თავდამსხმელი, რობინ ვან პერსი დარწმუნებულია, რომ ფეხბურთელები მალე გაიგებენ ლუი ვან გაალის ფილოსოფიის არსს და "იუნაიტედი" ძველ დიდებას დაუბრუნდება.

"ეროვნული გუნდის მწვრთნელის რანგში ყოფნისას მასთან ორი წლის განმავლობაში ვიმუშავე, მაგრამ ეს განსხვავებული სიტუაციაა, რადგან მასთან ერთად ყოველდღიურად ვვარჯიშობთ. თუმცა მისი მუშაობის შესახებ მცირე წარმოდგენა მაქვს. ორი წლის განმავლობაში მასთან ერთად სამი დღის ან ცხრა დღის განმავლობაში ვმუშაობდი, მაგრამ ახლა ყველაფერი თავიდან იწყება."

"მუშაობის მისი სტილი ძალიან კარგი, ძალიან პირდაპირი და ძალიან ზუსტია ყველასთვის. ის ყველას ეკონტაქტება და ამას შესანიშნავად აკეთებს. ის ცდილობს თავისი ფილოსოფია რამდენიმე ახალ ფეხბურთელამდე მიიტანოს. მხოლოდ მე და დეილი ბლინდმა ვიცოდით მისი მეთოდის შესახებ, თუმცა მჯერა, რომ ყველა გაითავისებს და იმას გავაკეთებთ, რასაც გვეტყვის, იქ წავალთ, სადაც წასვლას გვთხოვს."

"მისი მეთოდი კარგი გაგებით ძალიან მომთხოვნია, რადგან ყოველ დღე კონცენტრირებული უნდა იყო, ყოველი შეკრებისა და ვარჯიშის დროს. მას სურს, რომ შეკრებებში ფეხბურთელებმაც მიიღონ მონაწილეობა. შენ საკუთარი ხედვა უნდა გადმოსცე, ეს კი სამწვრთნელო შტაბს ძალიან მოსწონს. ცოტა ჰოლანდიურია - პროექტში ყველა მონაწილეობს. ყველანი ამაზე ვმუშაობთ."

"ყველას აქვს საკუთარი სათქმელი, რაც შესაძლოა სიახლეა ბევრისთვის, მაგრამ არა ჩემთვის, რადგან ვიცი, როგორ მუშაობს ის. ვფიქრობ, ეს ძალიან კარგი და ძალიან საინტერესოა, რადგან ყველანი ერთ ბადეს ვექაჩებით - როგორც ჰოლანდიაში იტყვიან. ყველას გვაქვს ერთი მიზანი, რაც არის მოგება და მოგება იმდენის, რამდენსაც შევძლებთ. რასაც მოედანზე ვარჯიშებისას ვამჩნევ, ეს არის მუდმივი გაუმჯობესება. ჩვენ ყოველდღიურად ვვითარდებით და უკეთესები ვხდებით."

"სავარჯიშო პროცესი გასაოცარია და ამას მატჩებშიც ვაჩვენებთ. ახლა ამ გზას უნდა მივყვეთ და ოთხეულში შევიდეთ, რაც სრულიად რეალური მიზანია, თუმცა ჯერ ძალიან ადრეა ამაზე საუბარი. ყველას სურს მოგება, სავარჯიშო პროცესის დროსაც კი მოგებისკენ ვისწრაფვით, მაგიდის ჩოგბურთის თამაშის დროსაც კი მოგებისკენ ვისწრაფვით. ჩვენ გამარჯვებულები ვართ. აქ იმისთვის არ ვართ, რომ დაბალი სტანდარტები დავაწესოთ. გვინდა იმდენად დიდი იყოს მიზანი, რამდენადაც შესაძლებელია - მოვიგოთ თამაშები და მოვიგოთ თასები."

theGuardian