რობინ ვან პერსი დარწმუნებულია, რომ "მანჩესტერ იუნაიტედი" კვლავ შიშს მოჰგვრის მოწინააღმდეგეს, როცა ვან გაალის ფილოსოფიას სრულად აღიქვამენ ფეხბურთელები და როცა ტრავმების კრიზისი გადაივლის.
ვან გაალს ცხრა ტრავმირებული ფეხბურთელი ჰყავს და ანდერ ერერას შესახებ ცნობებს ელოდება. ანდერმა "ვესტ ჰემთან" მატჩში წელი დაიზიანა და მისი ფიზიკური მდგომარეობის თაობაზე ჯერ-ჯერობით არაფერი გაცხადებულა.
"ვფიქრობ მოწინააღმდეგეთა შეშინებას ისევ შევძლებთ. ამ მოთამაშეებს თუ შეხედავთ, დაინახავთ, რომ ისინი დიდებულები არიან ინდივიდუალური კუთხით. მაგრამ ამჟამად ერთ გუნდად ჩამოყალიბებაზე ვმუშაობთ და ისეთი მატჩები, როგორიც "ქპრ"-სთან გვქონდა ამაში ხელს გვიწყობს. ჩვენ ჩავარდნა გვქონდა "ლესტერთან", მაგრამ ყველას ვაჩვენეთ, რომ ასეთ რთულ მომენტებშიც კი მზად ვართ გამარჯვებისთვის."
ვან პერსი, რომელმაც Abengoa-სა და "მანჩესტერ იუნაიტედის" თანამშრომლობის ოფიციალურად გაფორმების საღამოზე ისაუბრა, განაცხადა, რომ ჩემპიონთა ლიგაზე არ ყოფნა ფეხბურთელებს კიდევ უფრო მონდომებულს ხდის: "ეს ამ სეზონში ჩვენი მთავარი მიზანია. ოთხეულში ყოფნა - ჩვენ მოთამაშეებს, გუნდს, გულშემატკივარს, მწვრთნელებსა და სტადიონს თუ შეხედავთ ოთხეულში ჩვენი ყოფნა ნორმალურად მოგეჩვენებათ. წელს დიდებული სამწვრთნელო შტაბი, დიდებული ქომაგი, დიდებული ფეხბურთელები გვყავს. ამ ყველაფრის ერთად შერწყმით რთულია ჩემპიონთა ლიგაზე ვერ მოხვდე. ეს არის ის, რაც უნდა გავაკეთოთ და რასაც გავაკეთებთ".
ინტერვიუები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.