"მანჩესტერ იუნაიტედის" ყოფილმა მწვრთნელმა, სერ ალექს ფერგიუსონმა კრიშტიანუ რონალდუსთან სატელეფონო საუბარი გამართა, რათა იანვარში "მანჩესტერ იუნაიტედში" დაბრუნებაზე დაეთანხმებინა.
ჭორების თანახმად, "მანჩესტერ იუნაიტედი" ცდილობს რონალდუსთან მოლაპარაკებები გამართოს და ზამთრის სატრანსფერო ფანჯრის დროს პორტუგალიელი "ოლდ ტრაფორდზე" დააბრუნოს.
მიუხედავად იმისა, რომ რონალდუს საერთო ღირებულება 140 მლნ. ფუნტს შეადგენს, "წითელი ეშმაკები" უკან დახევას არ აპირებენ და საფეხბურთო აგენტის, ფრანსუა გალიარდოს მტკიცებით "იუნაიტედს" ამაში სერ ალექს ფერგიუსონიც ეხმარება.
"ოთხშაბათს კრიშტიანუმ ფერგიუსონისგან სატელეფონო ზარი მიიღო, რომელიც "იუნაიტედში" დაბრუნებას უკავშირდებოდა."
"ის ბედნიერია "რეალში", მაგრამ ტრანსფერი მთლიანად ხორხე მენდეშზეა დამოკიდებული" - განაცხადა გალიარდომ.