"მანჩესტერ იუნაიტედის" მარცხენა მცველს, ლუკ შოუს სჯერა, რომ "ვესტ ჰემთან" მოპოვებული გამარჯვება წარმატების საწინდარი იქნება.

"საუთჰემპტონიდან" ზაფხულში შეძენილი ლუკ შოუ ერთ-ერთი ფეხბურთელი შაბათის შეხვედრაში, რომელსაც დებიუტი ჰქონდა "იუნაიტედის" რიგებში.

"მე ვიტყოდი რთული დებიუტი მქონდა. ჩვენ 10 კაცით ვთამაშობდით და ეს არასდროს არ გახლავთ ადვილი, მაგრამ ჩვენი ბრძოლით ნათლად ვაჩვენეთ რამდენად მნიშვნელოვანია ჩვენთვის სამი ქულა. ეს ბევრს ნიშნავს ჩვენთვის. ნებისმიერ შემთხვევაში, დებიუტით კმაყოფილი ვარ, მაგრამ უფრო მნიშვნელოვანია სამი ქულა."

შოუს თქმით ვან გაალის მიერ ვარჯიშებზე ჩატარებულ სამუშაოს უდიდესი მნიშვნელობა ჰქონდა, რადგან დაცვის ცენტრში ორი ახალი ფეხბურთელი, დებიუტანტი პედი მაკნეირი და ცენტრალური მცველის პოზიციაზე პირველად მდგომი მარკოს როხო იდგნენ.

"კვირის განმავლობაში განლაგებაზე ვიყავით ფოკუსირებულნი. ყველამ ვიცოდით რა უნდა გვეკეთებინა და დღის მიწურულს მწვრთნელმა გვითხრა: "არ აქვს მნიშვნელობა რამდენი წლის ხარ, რადგან ნებისმიერ შემთხვევაში 100%-ით უნდა დაიხარჯო და მოედანზე ყველაფერი დადო". მხოლოდ ამის გაკეთება შეგიძლია."

"როცა ნოლანმა გამათანაბრებელი გაიტანა. არ ვიცოდი რომ თამაშგარე იყო. გადაწყვეტილებებში იღბალი არ გვაქვს. უმეტესწილად ცუდი ბედი გვაქვს, თუნდაც "ვაზას" ეპიზოდში წითელი ბარათისას. სანამ რუნი ფეხბურთელს წააქცევდა მანამ ჩემი პასის მომენტში ხელით თამაში უნდა დაფიქსირებულიყო, მაგრამ მსაჯმა თამაში არ გააჩერა. უფრო ადრე საკომ იგივე გააკეთა ჩემთან მიმართებაში. მაგრამ, მე მხოლოდ მოგებაზე ვარ კონცენტრირებული და ყოველთვის ასე იყო."

მსაჯის მიერ კომპენსირებულ დროში შოუ ტომ ტორპმა ჩაანცვლა.

"დიდებული იყო. ძალიან კმაყოფილი ვარ, განსაკუთრებით პირველი ტაიმით. მაგრამ მეორე ტაიმში 10 კაცით დარჩენის შემდეგ ძალიან გაგვიჭირდა. გადაღლილად ვგრძნობდი თავს, მაგრამ ეს ნორმალურია, მე ხომ 4-5 კვირის განმავლობაში არ მითამაშია სრული მატჩი. მოხარული ვიყავი ასეთი შესაძლებლობის მიღებით"

"ტრავმა უკან გადადგმული ნაბიჯი იყო, მაგრამ უკანასკნელი კვირის განმავლობაში ძალიან ბევრს ვმუშაობდი და მწვრთნელთან საუბრებიც მქონდა. ის შთამაგონებელია და საბედნიეროდ შემიძლია მასზე დაყრდნობა. მისი თქმით ასეთ უდიდეს კლუბში მე სამაგალითო ვარ, რაც ძალიან მახარებს."

"მიზანი მომდევნო სამი შეხვედრის მოგება, უკეთესი თამაში და ქულების მაქსიმალური რაოდენობის აღებაა"

წყარო: manutd.com