მებრძოლი სული არსად არ წასულა

მას შემდეგ, რაც "წითლებმა" გოლი მიიღეს საკუთარ კარში და კაპიტანიც გაუგდეს, სავსებით ბუნებრივი იყო, რომ მათ ბრძოლის უნარი დაეკარგათ და ამ ბრძოლის უნართან ერთად დაეკარგათ ქულებიც. მაგრამ ეს "მანჩესტერ იუნაიტედია" და ამის მსგავსი არაფერი შეტყობია გუნდს. ლუი ვან გაალმა შეძლო და გუნდს გამარჯვების გზიდან არ გადაახვევინა. შესაძლოა "იუნაიტედი" თავის ფორმის პიკში არ იმყოფება, მაგრამ შეგვიძლია ვთქვათ, რომ არსად წასულა ის მებრძოლი სული, რომელმაც "ეშმაკუნებს" წლების მანძილზე უამრავი ტიტული მოაგებინა.

უეინ რუნი არ იქნება

უეინ რუნი მნიშვნელოვანი ფიგურაა "იუნაიტედისთვის" და მას ამ სეზონში უფრო მეტი მოვალეობები დაეკისრა. რუნიმ გადაინაცვლა გამოკვეთილი ფორვარდის პოზიციაზე. "ვესტ ჰემთან" მატჩში მან იბრძოლა ბურთისთვის, შექმნა და გაიტანა საოცარი გოლი და ამით "იუნაიტედი" წინ გაიჭრა. "მანჩესტერს" დიდი გასაჭირი ელის წინ, მისი კაპიტანი შემდეგ სამ მატჩს გამოტოვებს.

რობინ ვან პერსი ბრუნდება

ერთ-ერთი ფორვარდი, რომელიც კრიტიკის ქარ-ცეცხლის ქვეშ მოექცა რობინ ვან პერსი გახლდათ. მაგრამ მან შესანიშნავი ცენტრ-ფორვარდის პერფორმანსით ყველა კრიტიკოსი გააჩუმა.

ჰოლანდიელმა შესანიშნავი ბურთი გაიტანა, "ჩაქუჩების" მცველებს არც კი მისცა მოძრაობის, ფიქრის დრო და საშუალება. რუნის გასვლის შემდეგ ყველაფერი გართულდა, მაგრამ "არსენალის" ყოფილმა ფორვარდმა ყველაფერი სწორად გააკეთა და სტადიონზე ბოლომდე დაიხარჯა.

წითლებს კიდევ გრძელი გზა აქვთ გასავლელი

3 ქულა ყოველთვის სასიამოვნოა, განსაკუთრებით ისეთი დაწყების შემდეგ როგორიც "იუნაიტედს" ჰქონდა, მაგრამ ამ თამაშშიც კი მკაფიოდ გამოჩნდა, რომ ვან გაალს კიდევ ბევრი აქვს სამუშაო.

"იუნაიტედმა" დათმო პოზიციები, როცა ჯერ კიდევ 11 კაცით იდგნენ მოედანზე. ნახევარდაცვა ჯერ კიდევ არ იყო იდეალურ მდგომარეობაში და "ვესტ ჰემის" ფეხბურთელები ხშირად აკონტროლებდნენ ბურთს.

გულშემატკივარი ვან გაალის ერისგან მეტს ელის და იმედია მათ ეს მოლოდინი გაუმართლდებათ.

პატრიკ მაკნაირი შესაძლოა მომავალში ვარსკვლავად მოგვევლინოს

მიუხედავად იმისა, რომ "წითლებს" ტრამვიანობის პერიოდი აქვთ, მაინც გასაკვირი იყო ახალგაზრდა და გამოუცდელი მაკნაირის გამოჩენა მოედანზე. მაგრამ მან ყველას პასუხი გასცა მისი საოცარი დებიუტით "ოლდ ტრაფორდზე". ის იყო საჭირო დღეს, საჭირო ადგილას და რთულ ვითარებაში მხსნელად ევლინებოდა გუნდს. მან საოცრად იმოქმედა, როდესაც კარიდან ბურთი გამოიტანა და კლუბი გადაარჩინა, ეს არც ისე მარტივია, როგორც ერთი შეხედვით ჩანს. შესაძლოა ასეთი რამ ბევრმა გამოცდილმა და პროფესიონალმა ვერ შეძლოს. ეს ყველაფერი კი გვაფიქრებინებს, რომ შესაძლოა ის გახდეს "იუნაიტედის" ვარსკვლავი.

წყარო: ManchesterEveningNews