ჩატარებული 7 ოფიციალური მატჩიდან ლუი ვან გაალმა აკადემიის აღზრდილ 7 ფეხბურთელს მისცა უკვე თავის გამოჩენის შანსი. აქედან ოთხს კი პრემიერ ლიგაშიც ჰქონდა დებიუტი.
ტაილერ ბლეკეტმა, ჯესი ლინგარდმა, პედი მაკნაირმა და ტომ ტორპმა უკვე წარადგინეს საკუთარი თავი პრემიერ ლიგის გულშემატკივრებთან. ხოლო საიდი იანკო, ანდრეს პერეირა და რის ჯეიმსი ლიგის თასის მატჩში იღებდნენ მონაწილეობას.
ჟურნალისტების გარკვეული ნაწილი მკაფიოდ აღნიშნავდა იმ სიცრუეს, თითქოსდა გუნდმა "სული გაყიდა" ჩამოყალიბებული ვარსკვლავების შეძენით. ეს ფაქტი უფრო სენსიტიური მაშინ გახდა, როდესაც აკადემის აღზრდილი, დენი უელბეკი "არსენალში" იქნა გასხვისებული.
გასულ წელს, მხოლოდ სამმა ფეხბურთელმა მოახერხა სათამაშო დროის მიღება პირველ გუნდში. ადნან იანუზაი, ტომ ლოურენსი და ჯეიმს უილსონი, ეს ორი უკანასკნელი მხოლოდ და მხოლოდ რაიან გიგზის მწვრთნელობის პერიოდში გამოჩნდნენ პირველ გუნდში.