რობინ ვან პერსის განცხადებით "მანჩესტერ იუნაიტედმა" "ვესტ ჰემთან" უფრო მეტი მოიპოვა, ვიდრე უბრალო სამი ქულა გახლავთ.
"ვფიქრობ, ეს უფრო მეტია ვიდრე სამი ქულა. სამი ქულის აღება სასიცოცხლოდ მნიშვნელოვანია თითოეული ფეხბურთელისა თუ გულშემატკივრის რწმენისთვის. ისინი მხარს გვიჭერდნენ და ეს მშვენიერი იყო."
"პირველ ტაიმში შესანიშნავად ვითამაშედ, მაგრამ მეორე ტაიმში ყველაფერი განსხვავებულად იყო წითელი ბარათის გამო. დრო და დრო ძალიან ნერვიული მატჩი გამოდგა, მაგრამ ყველა ყველა კარგად მოქმედებდა და თავგამეტებით იბრძოდა."
"გოლის გაშვება ძალიან საწყენი იყო, რადგან თამაშის იმ პერიოდში გოლის გატანის ერთადერთი გზა მათთვის სტანდარტული მდგომარეობა იყო და ასეც მოხდა, თანაც პირველი ტაიმის დასრულებამდე. ჩვენთვის ცუდი მომენტი გამოდგა, მაგრამ ვფიქრობ, დასასრულისკენ ძალიან კარგად ვითამაშეთ. "მანჩესტერ იუნაიტედთან" დაკავშირებული თითოეული ადამიანისთვის ეს უფრო მეტია, ვიდრე უბრალო სამი ქულა."
ვან პერსის გოლი "მანჩესტერ იუნაიტედის" რიგებში ჩატარებული 81 თამაშიდან 50-ე გოლი იყო, რის გამოც ჰოლანდიელი მოხარულია, მაგრამ ყოველ თამაშში გაუმჯობესებას ცდილობს.
"საშუალო სტატისტიკაა. მინდა უფრო მეტად გავაუმჯობესო - შენ ყოველთვის გსურს უკეთესად ითამაშო და გაუმჯობესდე, მაგრამ 81 თამაშში გატანილი 50 გოლი მშვენიერი მაჩვენებელია."