"იუნაიტედმა: 149 მილიონი ფუნტი დახარჯა ტრანსფერებზე, მაგრამ დაცვაში კვლავ პრობლემებია. ნემანია ვიდიჩისა და რიო ფერდინანდის წასვლის შემდეგ პრობლემა კიდევ უფრო გამწვავდა. "ვესთ ჰემთან" მატჩისთვის, მწყობრში მხოლოდ ერთი ცენტრალური მცველია - მარკოს როხო. სმოლინგს, ჯონსს, ევანსს, ბლეკეტს დღევანდელ მატჩში ვერ ვიხილავთ. ვან გაალს მოუწევს აკადემიის ფეხბურთელებს ენდოს.
ტომ ტორფი 21 წლამდელთა გუნდის კაპიტანია, თუმცა მას ჯერ პირველ გუნდში არ უთამაშია. ტომი მანჩესტერში დაბადებული და გაზრდილია, მისი წინა სეზონი საკმაოდ წარმატებული იყო. ტომი დღევანდელი შეხვედრისთვის განაცხადშია.
მადი მაკნაირი კლუბს სამი წლის წინ შეუერთდა. მასაც არ აქვს პირველ გუნდში ნათამაშები, მაგრამ განაცხადშია. წარმოშობით ჩრდილო ირლანდიელი 21 წლამდელების ერთ-ერთი ყველაზე პროგრესირებადი და კრეატიული ფეხბურთელია.
მესამე ვარიანტი დეილი ბლინდია, "აიაქსის" ყოფილი ფეხბურთელი, რომელმაც ახალ კლუბთან 4 წლიანი კონტრაქტი გააფორმა და უკვე ძირითადი გუნდის მუდმივი მოთამაშეა. ბლინდი ჩამშლელი ნახევარმცველია, მაგრამ ბუნებრივია, საჭიროების შემთხვევაში, ვან გაალი მას უკან დახევს. დიდი ალბათობით, "ვესთ ჰემთან" სწორედ მას ვიხილავთ.
წყარო: bbc.co.uk