"მანჩესტერ იუნაიტედის" მარცხენა მცველი ლუკ შოუ მოუთმენლად ელის "ვესთ ჰემთან" მატჩს და იმედოვნებს, რომ "ოლდ ტრაფორდზე" მისი დებიუტი აუცილებლად შედგება.
"ძალიან გაბრაზებული ვიყავი იმის გამო, რომ ტრავმამ ჩემს დებიუტს ხელი შეუშალა. თუმცა, რამდენიმე კვირაა ვვარჯიშობ და მოედანზე გასასვლელად მზად ვარ. "ვალენსიასთან" თამაშის წინ ფეხში დიდი ტკივილი ვიგრძენი და იძულებული გავხდი დამესვენა. ვიმედოვნებ, რომ ეს სეზონი ტრავმების გარეშე ჩაივლის".
"ლესტერთან" წაგება ნორმალური შედეგი არ არის, რადგან ჩვენ "მანჩესტერ იუნაიტედი" ვართ. არ შეიძლება გუნდმა 2 ბურთიანი სხვაობა გაანიავოს. შევეცდებით, რომ ჩვენი დანაშაული "ვესთ ჰემთან" მატჩში გამოვისყიდოთ" - განაცხადა შოუმ.