რობინ ვან პერსის თქმით, გუნდური შეკრების შემდეგ "იუნაიტედი" "ვესტ ჰემთან" მატჩს კარგი განწყობით ხვდება და იმედოვნებს, რომ შაბათს "წითლები" კარგ შედეგს მიაღწევენ.

საკლუბო ტელევიზიასთან ინტერვიუში ვან პერსიმ განაცხადა, რომ "ლესტერთან" განცდილი მარცხის შემდეგ ორშაბათს, მატჩის შემდგომ ყოველკვირეულ განხილვაზე, რომელსაც მწვრთნელი, სამწვრთნელო შტაბი და მოთამაშეები ერთად მართავენ, შეკრების თითოეულმა წევრამ საკუთარი დამოკიდებულება გადმოსცა თამაშთან დაკავშირებით.

"სწორი გზაა იმაზე საუბარი, რასაც კარგად აკეთებ, მაგრამ ასევე უნდა ისაუბრო იმაზე, რისი გაუმჯობესებაც შეგიძლია - სწორედ ეს გავაკეთეთ მომდევნო დღეს."

"არ უნდა ვმარცხდებოდეთ ისე, როგორ დავმარცხდით, მაგრამ ეს უკვე მოხდა. ამას უნდა გავუმკლავდეთ."

"თითოეული ფეხბურთელი იმყოფებოდა შეკრებაზე და მატჩის შესახებ ხანგრძლივი განხილვა გვქონდა. მართლაც კარგი შეხვედრა გამოვიდა, რომელიც დაახლოებით ერთ საათს გრძელდებოდა. ყველა საუბრობდა და საკუთარ გრძნობებს გადმოსცემდა."

"კარგი სავარჯიშო პროცესი გვქონდა და "ვესტ ჰემთან" მატჩს ყველა პოზიტიური განწყობით ხვდება."

"როცა დაცვის შეცდომებს აკვირდები, ამჩნევ საიდანაც იწყება შეცდომები."

"ეს არ იყო ერთი შეცდომა. ეს იყო შეცდომა, რომელიც მოსდევდა სხვა შეცდომას, რომელსაც თან ახლდა კიდევ ერთი შეცდომა. პოზიცია შესაბამისად უნდა შევარჩიოთ. ყველა ხვდება რისი გაუმჯობესებაც გვესაჭიროება."

წყარო: manutd.com