რორი მაკილროი აცხადებს, რომ "მანჩესტერ იუნაიტედის" ყოფილი მთავარი მწვრთნელის, სერ ალექს ფერგიუსონის მოსმენამ იგი ტრანსში ჩააგდო.
ფერგიუსონი გლენიგლზში European Ryder Cup-ის გუნდთან სასაუბროდ კაპიტანმა, პოლ მაკგინლიმ და "იუნაიტედის" ნომერ პირველმა გულშემატკივარმა, რორი მაკილროიმ მიიწვიეს, რათა მისი სიტყვით გამოსვლა მოესმინათ.
"მე უბრალოდ ვიჯექი და მას თვალებს ვერ ვწყვეტდი. მისი მოსმენისას ტრანსის მსგავსი რამ დამემართა და ჩემთვის ვფიქრობდი, ეს სწორედ ის იყო რასაც "მანჩესტერ იუნაიტედის" სამწვრთნელო გუნდს წლების განმავლობაში ეუბნებოდა."
"ფერგიუსონი გვესაუბრა გამოცდილებაზე, რომელიც მას წარსულში ჩატარებული დიდი მატჩებისა და იმ ფეხბურთელთა შერწყმით დაუგროვდა, რომელთაც წლების განმავლობაში წვრთნიდა. მშვენიერი საღამო გამოვიდა."
"ძალიან სასარგებლო იყო, რადგან ჩვენ სხვადასხვა საკითხის შესახებ რამდენიმე მნიშვნელოვანი კითხვა დავუსვით და რასაც ვეკითხებოდით გუნდის წარმატებაში სწორედ ის იყო საჭირო ელემენტი."
"მისი საუბრები შთამაგონებელია. მას უდიდესი ავტორიტეტი აქვს და ოთახი უბრალოდ დუმს და ისმენს, როცა ის საუბრობს."
"იუნაიტედი" ყოველთვის ფავორიტი იყო და როცა ფერგიუსონი წვრთნიდა მას "ოლდ ტრაფორდი" ციხე-სიმაგრედ აქციეს. როცა გუნდები ჩამოდიოდნენ "ოცნების თეატრზე", მათ ძალიან უჭირდათ "იუნაიტედის" წინააღმდეგ თამაში. სერ ალექსი ამის შესახებაც გვესაუბრა. ჩვენ რამდენიმე მიზეზის გამო ვართ ფავორიტები. ჩვენ ვიმსახურებთ, რომ ვიყოთ. ეს არის ის რისიც არ უნდა გვრცხვენოდეს, ეს არის ის, რითაც უნდა ვამაყობდეთ."