მარუან ფელაინი აცხადებს, რომ ლუი ვან გაალს იგი გუნდიდან არ გაუძევებია და მზადაა პირველ გუნდში ადგილის მოსაპოვებლად ყველაფერი გააკეთოს.
ჭორების თანახმად, "ევერტონიდან" 27,5 მლნ. ფუნტად შეძენილი ბელგიელი ფეხბურთელი ერთ-ერთი მათგანია, ვისაც ვან გაალმა კარისკენ მიუთითა.
მაგრამ მუხლის ტრავმამ სხვა კლუბში გადასვლის ყოველგვარი იმედი გადაწურა და 26 წლის ფეხბურთელს სურს არათუ სხვა კლუბის ძებნა გააგრძელოს, არამედ "იუნაიტედში" დაიმკვიდროს ადგილი.
"ვან გაალს ვესაუბრე და მას არასოდეს უთქვამს, რომ მე უნდა წავსულიყავი. მან მითხრა, რომ დიდი გამოწვევის წინაშე ვიდგებოდი, მაგრამ საკუთარი შესაძლებლობების დამტკიცების საშუალება მომეცემოდა."
"რთული მომენტები შარშანაც მქონია, მაგრამ ამის შემდეგ ძლიერ ფეხბურთელად ყალიბდები. მე მჯერა საკუთარი თავისა და საკუთარი თამაშის."
"მსოფლიო ჩემპიონატზე კარგად ვითამაშე და მოსამზადებელ ეტაპზეც კარგი ვიყავი. სამწუხაროა, რომ ამ ტრავმამ ჩემი სამუშაოს პროგრესი შეაჩერა, მაგრამ თვის ბოლოსთვის დავბრუნდები." - განუცხადა ფელაინიმ ჰოლანდიურ Sport Wereld-ს.