"მანჩესტერ იუნაიტედის" ყოფილი მეკარე, მარკ ბოსნიჩი გვარწმუნებს, რომ მისი ყოფილი კლუბი იანვარში აუცილებლად შეიძენს ტოპ-კლასის მცველს.
ზაფხულის სატრანსფერო ფანჯარაზე დახარჯული 150 მლნ. ფუნტის მიუხედავად "იუნაიტედს" დაცვაში არსებული პრობლემები არ მოუგვარებია - პრემიერ-ლიგის 5 შეხვედრაში "წითლებმა" 8 გოლი გაუშვეს.
ბოსნიჩის აზრით, ეს პრობლემა იანვარში გადაწყდება. ვან გაალს უკვე წარმოდგენილი აქვს თუ ვის შეიძენს იგი.
"იანვარში მაღალი კლასის მქონე ცენტრალური მცველის შეძენის მოწმენი გავხდებით. ახლა ამბობენ, რომ დაცვაში არსებული ტრავმებისა და დისკვალიფიკაციის გამო ცენტრში მაიკლ კერიკი დადგება, მაგრამ ეს გადაწყვეტილება ხანგრძლივ პერიოდზე არ არის გათვლილი." - აცხადებს ბოსნიჩი.