"მანჩესტერ იუნაიტედის" სარეზერვო გუნდის ახალგაზრდა ნახევარმცველი, ბენ პირსონი იმედოვნებს, რომ მთავარ მწვრთელზე, ლუი ვან გაალზე შთაბეჭდილებას მოახდენს და პირველ გუნდში ისევე დამკვიდრდება, როგორც ტაილერ ბლეკეტი და რის ჯეიმსი.

"მწვრთნელმა უკვე აჩვენა, რომ პირველ გუნდში ახალგაზრდების მიწვევას არ უშინდება. ტაილერ ბლეკეტმა სეზონის ყველა მატჩში ითამაშა, პირველ გუნდში ითამაშა რის ჯეიმსმაც. ლუი ვან გაალი "აიაქსსა" და "ბარსელონაში" ახალგაზრდებთან წარმატებით მუშაობდა და მინდა მჯეროდეს, რომ ამ მხირვ არც ჩვენთან იქნება გამონაკლისი. ამჟამად პირველ გუნდთან ერთად ვვარჯიშობთ, რაც თავისთავად ნიშნავს, რომ მწვრთნელზე შთაბეჭდილების მოხდენის საშუალება გვაქვს."

"დიდებულია, როცა მუშაობ ფეხბურთელების ერთად, რომელთაც ბავშვობიდანვე ადევნებდი თვალს. ჩემ შემთხვევაში ასეთი დარენ ფლეთჩერია. ის ძალიან ეხმარება ახალგაზრდებს, მუდამ საუბრობს მათთან და რჩევებს აძლევს. მინდა პირველ გუნდში მოვხვდე, მაგრამ მანამდე შესაძლოა იჯარით წასვლა მომიხდეს. დარწმუნებული არ ვარ, რომ ამისთვის მზად ვარ. თავდაპირველად სარეზერვო გუნდში თამაშით ოპტიმალურ ფორმაში უნდა შევიდე."

"მანჩესტერ იუნაიტედის" 21 წლამდელთა გუნდი მომდევნო შეხვედრას ორშაბათს, 29 სექტემბერს თანატოლი "ტოტენჰემის" წინააღმდეგ გამართავს.

გთავაზობთ ზემოაღნიშნული მეტოქის წინააღმდეგ პირსონის შარშანდელი სეზონის თამაშის ამსახველ ვიდეოს.



წყარო: express