მას შემდეგ რაც, "იუნაიტედმა" დათმო მატჩი "ლესტერთან" ანგარიშით 5-3, გამოცემა M.E.N_მა გამოკითხვა ჩაატარა: "საკმარისია თუ არა "იუნაიტედის" დაცვა ოთხეულში მოსახვედრად?"
80-მა პროცენტმა უარყოფითი პასუხი გასცა. საინტერესოა, თუ რას ფიქრობენ ამ საკითზე ექსპერტები.
სტიუარტ მათეუსონმა, რობ დაუსონმა და ჯეიმს რობსონმა ისაუბრეს "წითლების" დაცვაზე.

სტიუარტ მათეუსონი:

"ლივერპულმა" გაუშვა 50 გოლი და გავიდა მეორე ადგილზე გასულ სეზონში, ეს იმიტომ რომ, მათ ბრწყინვალე თავდასხმა ჰყავდათ რაზეც 101 გატანილი ბურთი მეტყველებს.
"იუნაიტედი" კი, შეძლებს იგივეს განმეორებას, დარწმუნებული ვარ. მათ ბრწყინვალე თავდასხმის ხაზი ჰყავთ, დაცვა? მე მხოლოდ ნერვიულ და გაურკვეველ თამაშს ვხედავ.
ფერგის ბოლო სეზონში, კლუბმა 43 გოლი გაუშვა და 86-ის გატანა შეძლო. ისინი ჩემპიონები გახდნენ, მოიესის დროს კლუბს იგივე მაჩვენებელი ჰქონდა გაშვებულ ბურთებში და გაიტანეს 64, თუმცა მხოლოდ მე-7 პოზიციას დასჯერდნენ.

რობ დაუსონი:

თუ ყველა მცველი იქნება მწყობრში, მაშინ ისინი შეძლებენ ოთხეულში შესვლას, მაგრამ არა ამ სცენარით. ვან გაალი დარწმუნებული იყო, რომ ფილ ჯონსი, კრის სმოლინგი და ჯონი ევანსი საუკეთესო ფორმაში იმყოფებოდნენ, მაგრამ სამივე მათგანი ტრავმირებულია და სექტემბრის ბოლომდე ვერ შეძლებენ თამაშს.
ეს არ არის მხოლოდ თავდაცვა. მათ უნდა შეძლონ და დაფარონ წინა პოზიციებიც. ეს შეიძლება მაშინ მოხდეს, როდესაც მაიკლ კერიკი დაბრუნდება და შეუწყვილდება დეილი ბლინდს, მაგრამ ამ შემთხვევაში ვან გაალს მოუწევს სათადარიგოზე ერთი შემტევის დასმა. ჰოლანდიელმა უნდა შეძლოს და იპოვოს დაცვის სრულყოფილი კომბინაცია, მაშინ ყველაფერი იმუშავებს.
მან უკვე დაკარგა ჯონსი, ბლეკეტი და ევანსი "ვესტ ჰემთან" მატჩის წინ, ეს ყველაფერი სერიოზულ შეშფოთებას იწვევს.
შეცდომა ის იყო, რომ მათ სრულფასოვნად ვერ შეცვალეს რიო ფერდინანდი და ნემანია ვიდიჩი.

ჯეიმს რობსონი:

იმის გათვალისწინებით, რომ კლუბი ევრამ, ვიდიჩმა და რიომ დატოვეს, საიმედო დაცვას არ უნდა ველოდოთ კიდევ დიდი ხნის განმავლობაში. ერთი სატრანსფერო ფანჯრის დროს, კლუბმა 3 მცველი დაკარგა. ვან გაალი უნდა შეეცადოს და ითამაშოს სამი ცენტრალური მცველით, სანამ ტრამვირებული ფეხბურთელები მოედანს დაუბრუნდებიან. არც ერთი და არც მეორე არ ჩანს დამაჯერებელი, რა თქმა უნდა მათ თავიანთი როლი აკისრიათ, იმედი მაქვს ფილ ჯონსი გადაიზრდება ლიდერად. ხოლო კრის სმოლინგს, ნათლად ჩანს რომ, განვითარება სჭირდება.
ჯონი ევანსი მოიხსნა, ხოლო ტაილერ ბლეკეტი ძალიან ახალგაზრდაა იმისთვის, რომ რეგულარულად ითამაშოს პრემიერ ლიგაში.
მე დავაყენებდი როხოს ცენტრში, ხოლო შოუს მარცხნივ.
თუ ჯონსი და სმოლინგი ვერ მიაღწევენ სასურველ პროგრესს, მაშინ ვან გაალი იძულებულ იქნება მსოფლიო დონის მცველი დაიმატოს, როგორიცაა მეთს ჰუმელსი.

წყარო: Carrick.ru