"სამპდორიას" მეკარემ, სერხიო რომერომ მის შესახებ გავრცელებული ჭორები უარყო.
სატრანსფერო ფანჯრის დროს იწერებოდა, რომ "მანჩესტერ იუნაიტედი" არგენტინელი მეკარით ინტერესდებოდა, მაგრამ ამ უკანასკნელმა უარი განაცხადა "ოლდ ტრაფორდზე" გადასვლაზე.
თავად 27 წლის მეკარის თქმით, ეს უბრალოდ პრესის მონაგონია და მსგავსი რამ მას არ გაუკეთებია. "ბოლო პერიოდში პრესაში ჩემ შესახებ უამრავი ტყუილი იწერება, ისეთი მაგალითად, როგორიც "მანჩესტერ იუნაიტედისთვის" უარი თქმაა. ჩემი აზრით, მხოლოდ გიჟი თუ იტყოდა უარს ასეთ შესაძლებლობაზე."
რომერომ ისიც აღნიშნა, რომ იგი მზადაა იანვარში "სტადიო ლუიჯი ფერარი" დატოვოს, რადგანაც მისი ამჟამინდელი მდგომარეობა არ აკმაყოფილებს. "ამას ვეღარ ავიტან."
"მსგავსი რამ შემემთხვა საფრანგეთში - მივედი კლუბში სატნრასფერო ფანჯრის დახურვამდე რამდენიმე დღით ადრე და შესაძლებლობას ველოდებოდი."
"სამპდორიაში" ბედნიერი ვარ და მინდა მწვრთნელს დავუმტკიცო, რომ მე მზად ვარ და სათადარიგოთა სკამზე დაჯდომა არ მსურს."