"მანჩესტერ იუნაიტედის" ყოფილი მცველი, ფილ ნევილი თვლის, რომ "იუნაიტედმა" კიდევ 100 მლნ. ფუნტი უნდა დახარჯოს, რათა პრემიერ-ლიგის მოგებაზე პრეტენზია ჰქონდეს.

მიუხედავად იმისა, რომ ზაფხულის სატრანსფერო ფანჯარაზე "იუნაიტედმა" 150 მლნ. ფუნტი გაიღო და ანხელ დი მარიასა და რადამელ ფალკაოს მსგავსი ვარსკვლავები მოიწვია გუნდში, ამით პრობლემები არ დასრულებულა. დაცვის და ნახევარდაცვის ცენტრი ლუი ვან გაალის ძალიან დიდ თავსატეხს წარმოადგენს - ნევილს კი მიაჩნია, რომ სიტუაციის გამოსასწორებლად დიდძალი თანხაა საჭირო.

"ვიცი, რომ "იუნაიტედმა" 150 მლნ. ფუნტი დახარჯა."

"ვფიქრობ, მომდევნო ორი სატრანსფერო ფანჯრის დროს დაახლოებით იგივე რაოდენობის თანხა უნდა დაიხარჯოს - 100 ფუნტის ოდენობით - თუ კი სურთ, რომ პრემიერ-ლიგის მოგება სცადონ."

"გუნდში ჯერ კიდევ არის დაცარილებული პოზიციები. ჩემი აზრით, მთავარ პრობლემას დაცვის ცენტრი წარმოადგენს. თუმცა, ჩამშლელი და ცენტრალური ნახევარმცველის მოყვანაც დასჭირდებათ."

"ამ ზაფხულს ტოპ-კლასის ცენტრალური მცველი არ მოუყვანიათ, ამიტომაც "იუნაიტედს" ძებნის გაგრძელება მომდევნო ორი სატრანსფერო ფანჯრის დროს მოუწევს."

"მჯერა, რომ კრის სმოლინგი კარგად ითამაშებს და ფილ ჯონსის სრული რწმენა მაქვს.

"მათ ბევრი უცხოელი მოიყვანეს, მაგრამ ინგლისურ სისხლს თავს ვერ აარიდებ" - აცხადებს ფილ ნევილი.

წყარო: manchestereveningnews