"მანჩესტერ იუნაიტედის" ცენტრალური მცველი, ჯონი ევანსი ჯვარედინი მყესების ტრავმის გამო ერთ თვეს იუქმებს.

შეგახსენებთ, რომ ტრავმა ჯონი ევანსმა კვირას, "ლესტერის" წინააღმდეგ გამართულ შეხვედრაში მიიღო. მწვრთნელი იძულებული გახდა შეხვედრის ნახევარი საათის მიწურულს ჯონი შეეცვალა.

The Telegraph-ის ცნობით გუშინ ევანსს საფუძვლიანი გამოკვლევა ჩაუტარდა, რომელმაც პირველადი დასკვნით აჩვენა, რომ ევანსი ოქტომბრის ბოლომდე მწყობრში ვერ ჩადგება.

მიმდინარე კვირაში ევანსს ექიმები კიდევ უფრო დაწვრილებით გამოიკვლევენ, რის შემდეგაც გამოჯანმრთელების პერიოდი შესაძლოა მცირედით შემცირდეს. თუმცა უკვე ნათელია, რომ ევანსის დაკარგვა ლუი ვან გაალის გუნდისთვის უდიდესი დანაკლისი იქნება.

"მანჩესტერ იუნაიტედის" უკანასკნელ სამ შეხვედრაში ევანსი ძირითადი შემადგენლობის წევრი გახლდათ. თუ რამდენად ცუდია ევანსის გარეშე დარჩენილი "იუნაიტედის" დაცვა მშვენივრად აჩვენა "ლესტერთან" შეხვედრამ.

სიტუაციას უფრო მეტად ამძიმებს ის ფაქტი, რომ ლაზარეთში იმყოფება ფილ ჯონსიც - ის კიდევ სამ კვირას გამოტოვებს. გარდა ამისა, ახალგაზრდა ტეილორ ბლეკეტი მომდევნო სამ შეხვედრაში "იუნაიტედს" დისკვალიფიკაციის გამო ვერ დაეხმარება.

გამომდინარე იქიდან, რომ ვან გაალმა 4-4-2 სქემასთან დაბრუნება სცადა, "ვესთ ჰემთან" შეხვედრაში მას დაცვის ხელახლა ფორმირება მოუწევს. ასეთ ვარიანტად კი მარკოს როხოს ცენტრში შეწევა და ლუკ შოუს ფლანგზე დაყენება ისახება.

fapl.ru