მადრიდის "რეალის" მთავარმა მწვრთნელმა, კარლო ანჩელოტიმ მიგვანიშნა იმის თაობაზე, რომ მისმა გუნდმა შესაძლოა სატრანსფერო ფანჯრის დროს "მანჩესტერ იუნაიტედის" მექსიკელი ფორვარდის ხავიერ ერნანდესის ტრანსფერი გამოისყიდოს.

ლუი ვან გაალის მოსვლის შემდეგ "იუნაიტედში" ხავიერს ადგილი ვერ მოუძებნეს, რის შედეგადაც იგი მადრიდის "რეალში" იჯარის წესით გადავიდა.

გასული კვირის შეხვედრაში, რომელშიც "გალაქტიკოსები" "დეპორტივოს" დაუპირისპირდნენ, ხავიერ ერნანდესმა შეხვედრის ბოლო წუთებზე შეცვლაზე შემოსვლის შემდეგ დუბლის გაფორმება მოახერხა, რის შემდეგაც ხმები დაირხა, რომ იგი მადრიდელთა ძირითადი შემადგენლობის წევრი გახდება.

ხავიერ ერნანდესი იჯარის წესით "რეალში სეზონის ბოლომდე რჩება, თუმა ანჩელოტი მის საბოლოო შესყიდვას არ გამორიცხავს.

"მისი გამოჩენის შემდეგ მან თითოეულ შეხვედრაში მიიღო მონაწილეობა, მაგრამ არა სასტარტო შემადგენლობაში. შესაძლოა რამე შეიცვალოს. "დეპორტივოს" წინააღმდეგ ორჯერ გაიტანა და დიდი თავდაჯერებულობა მოიპოვა."

"რეალში" თავს ძალიან კარგად და კომფორტულად გრძნობს, ამიტომაც ვნახოთ, რა მოხდება ზაფხულში." - განაცხადა კარლო ანჩელოტიმ.

წყარო: fapl.ru