Sky Sports-ის ექსპერტი, ჯეიმი რედნაპი თვლის, რომ ლუი ვან გაალის გენია გუნდის დაცვის თამაშის ხარისხის გამოსწორებაში უნდა გამოჩნდეს.
"დიდი მწვრთნელობა საჭირო არაა იმისთვის, რომ ანხელ დი მარია და რადამელ ფალკაო შეიძინო. "იუნაიტედის" ნებისმიერი ქომაგი, შესაბამისი თანხის არსებობის შემთხვევაში ამასვე გააკეთებდა. საკუთარი გუნდის დაცვასთან დაკავშირებული რთული მდგომარეობიდან გამოსვლა კი სულ სხვა საქმეა. აი აქ ვნახავთ, თუ რისი მაქნისია ლუი ვან გაალის გენია."
"ყველანი შესანიშნავად ვამჩნევთ, რომ "იუნაიტედი" სატურნირო ცხრილის იმ ადგილს, რომელზეც უნდა იყვნენ სინათლის წლებით ჩამორჩება. კლუბმა თავად შეუქმნა საკუთარ თავს პრობლემები, რადგან ტოპ-კლასის მცველი არ მოიყვანა. ისინი ჩემპიონთა ლიგაზე არ თამაშობენ, ამიტომაც მთელი კვირა აქვთ დაცვაზე სამუშაოდ. როცა 5 გოლს ისეთი გუნდისგან უშვებ, რომელიც რანგით შენზე დაბლა დგას, ვერავითარ გამართლებას ვერ მოუძებნი საკუთარ თავს".