დავიდ დე ხეა 5-დან 2
სეივი ვერ გააკეთა და ეს არის მისი დანაშაული. პენალტის აღებას არავინ ითხოვს, მაგრამ ერთ სეივს შეეძლო საშინელი მდგომარეობის შეჩერება. ხმამაღლა რომ ვთქვა, მისგან კიდევ უფრო მეტ მუშაობას ვითხოვ საჯარიმოში.
რაფაელი 5-დან 1
როცა ბრაზილიელი მოედანზეა, მუდამ ან პენალტს, ან წითელ ბარათს ელოდები. ხანდახან გამოისყიდის ხოლმე, როცა შეტევაში წარმატებით გადადის, მაგრამ არა ამჯერად. სულელურმა "შურისძიებამ" თამაში მოკლა.
ჯონი ევანსი 5-დან 2
ტრავმამდე თავის გამოცდილებას კარგად იყენებდა. ევანსის არ ყოფნა დაცვას ძლიერ დაეტყო.
ტაილერ ბლეკეტი 5-დან 1,5
ამ თამაშამდე მასზე ლაპარაკი რთული იყო. ათლეტიზმს, სისწრაფესა და სიძლიერეს აჩვენებდა, სანამ არ გააგდეს. გამოუცდელი მოთამაშის შეცდომა - იმედი ვიქონიოთ, რომ რაფაელისგან განსხვავებით თავის შეცდომებზე ისწავლის.
მარკოს როხო 5-დან 1,5
"ქუინზ პარკ რეინჯერსთან" კარგად თამაშობდა. ჩანდა, რომ დი მარიასთან შეთამაშებული იყო. ამჯერად კი თითქმის არ წასულა შეტევაში და დაცვაშიც ჩაფლავდა.
დეილი ბლინდი 5-დან 2,5
წინა მატჩის საუკეთესო ფეხბურთელი, რომელსაც ნიუჯენტი მიუჩენს. ამ უკანასკნელმა ჰოლანდიელზე დიდი გავლენა მოახდინა. ჩავარდნა არა, მაგრამ არც კარგი თამაში.
ანხელ დი მარია 5-დან 3
სწრაფი და საკმარისად ძლიერი: რამდენიც არ ეცადა რიჩი დე ლაეტი, მაინც ვერ გატეხა არგენტინელი. ლაეტს კი გაუმართლა, რომ წითელ ბარათს გადაურჩა.
ანდერ ერერა 5-დან 3
გაიტანა შესანიშნავი გოლი და ნახევარდაცვაშიც კარგად ითამაშა. არ ვიცი კიდევ რას უნდა ითხოვდე მისგან.
უეინ რუნი 5-დან 1,5
იმედი მაქვს ვან გაალმა იხუმრა როცა რუნის "ხელშეუხებლობაზე" ილაპარაკა. თუ არ ჩავთვლით დი მარიას მისამართით გაკეთებულ კარგ პასს, ეს ჩაფლავებული თამაში იყო. ნურაფერს ვიტყვით მიღებულ ბარათზე - თავისიანს იცავდა და სწორედ ამიტომ მიიღო. მაგრამ იყო ლიდერი - არ ნიშნავს მხოლოდ მსაჯისთვის ყვირილს, ეს უფრო მეტია. სად იყო, როცა მიწა ფეხქვეშ გვეცლებოდა?
რადამელ ფალკაო 5-დან 2,5
რობინზე გაკეთებული შესანიშნავი პასი და ხარიხაზე გარტყმული ბურთი მშვენივრად ასახავს იმას, თუ როგორი ოსტატია. ფორმის აღდგენასთან ერთად ის ნამდვილი საფრთხე იქნება, ჯერ-ჯერობით კი ქვეყანას ეჩვევა.
რობინ ვან პერსი 5-დან 2
აი ვისზე მაქვს იმედი, რომ "ხელშესახებია". ამ სეზონში უინტერესოდ და გამოფიტულად გამოიყურება. ადვილ გოლს არაფერი შეუცვლია. დროა უილსონმაც გამოსცადოს თავი.
შეცვლებიკრის სმოლინგი 5-დან 1,5
დროულად გამოჯანმრთელდი ფილ და სმოლინგი შეცვალე, რადგანაც ჩემი აზრით ის არ იმსახურებს ძირითადში ადგილს. სმოლინგისა და ევანსის ერთად თამაში საუკეთესო დასტურია იმისა, რომ ჩვენ ახალი მცველები გვჭირდება.
ადნან იანუზაი 5-დან 2
ამ სეზონში ბელგიელს საკმარისი დრო არ ჰქონია იმისთვის, რომ რაიმე ჩაიდინოს, მაგრამ შეცვლაზე შემოსულიც არ გამოიყურებოდა გადასარევად. როცა გამარჯვებას ვესწრაფვოდით, იმედი მქონდა, რომ მას "ათიანის" პოზიციაზე ვნახავდი, მაგრამ ვარდის ამ იმედებს წერტილი დაუსვა.
ხუან მატა 5-დან 2
გამოვიდა პოზიციაზე, რომელიც მას არ შეეფერება - და მაშინვე გამარჯვების გოლი. მატას ბრალი არ არის, მაგრამ უმჯობესი იქნებოდა მის ადგილზე უფრო ტანად ფლეთჩერს ეთამაშა. წითელმა ბარათმა გათანაბრების ყველა იმედი გადაწურა.
განხილვა მომზადებულია MATT HENDERSON-ის მიერ.
წყარო:
redevils.ru