"მანჩესტერ იუნაიტედის" ცენტრალურლმა მცველმა, ჯონი ევანსმა გუშინდელ შეხვედრაში მუხლის ტრავმა მიიღო.
ჩრდილო ირლანდიელი მცველი შეხვედრის 30-ე წუთზე კრის სმოლინგმა შეცვალა. როცა ევანსი მოედანს დაუბრუნდა, მას სპეციალური დამცავი ფეხსაცმელი ეცვა. გარდა ამისა, იგი გადაადგილებისთვის ყავარჯნებსაც იყენებდა.
"არ ვიცი, რამდენად ცუდად არის ევანსი. უნდა დაველოდოთ ხვალინდელ გამოკვლევებს, მაგრამ ის ყავარჯნებს იყენებს." - განაცხადა ვან გაალმა მატჩის შემდგომ.
ევანსის დაკარგვის გარდა, ვან გაალის გუნდს მომდევნო შეხვედრაში ტაილერ ბლეკეტიც ვერ დაეხმარება, რომელმაც "მელიებთან" მატჩში წითელი ბარათი მიიღო.
"ვფიქრობ, შოუ მწყობრში იქნება ამ მატჩისთვის. როხოს შეუძლია თამაში და სმოლინგს შეუძლია თამაში, ასე რომ, გავუმკლავდებით. თუმცა სიტუაცია, საკმაოდ დაძაბულია." - დაამატა ვან გაალმა.