წინა კვირას "ქპრ"-სთან მოპოვებული გამარჯვების შემდეგ "მანჩესტერ იუნაიტედი" მიმდინარე სეზონში პირველ სამ ქულას დაეუფლა. "იუნაიტედმა" 4-0 იმარჯვა, თუმცა გაცილებით დიდი ანგარიშის დაფიქსირებაც შესაძლებელი იყო. გუნდის ენერგია და შეტევა უფრო მეტი გოლი გატანის საშუალებას იძლეოდა, თუმცა ამის შანსი მომდევნო შეხვედრაში, "ლესტერის" წინააღმდეგაც იქნება.

"მანჩესტერ იუნაიტედის" კაპიტანს, უეინ რუნის იმედი აქვს, რომ მისი თანაგუნდელები კარგად თამაშს გააგრძელებენ და ახალწვეულებიც მალე დაიმკვიდრებენ თავს გუნდში.

"ქპრ" დიდებული იყო, ყოველთვის კარგია ისეთ თამაშში მონაწილეობის მიღება, რომელშიც გუნდები წინ მიიწევენ, სანახაობრივ ფეხბურთს თამაშობენ და გოლებს იტანენ. ამაღელვებელი დღე გამოდგა, რადგან რამდენიმე ფეხბურთელს სადებიუტო შეხვედრა ჰქონდა. დიდებული დღე იყო და საბედნიეროდ კარგი შედეგის მიღება მოვახერხეთ."

"მართლაც შთამბეჭდავი შესრულება იყო. ვარჯიშებზე ბეჯითად ვირჯებით და საათებს ვხარჯავთ, რათა დავრწმუნდეთ, რომ როცა სათამაშოდ გავალთ ერთად კარგად ვითამაშებთ. ეს მნიშვნელოვანია, რადგან რამდენიმე ახალწვეული გვყავს და დარწმუნებულები უნდა ვიყოთ, რომ ყველაფერი რიგზეა."

"ვფიქრობ, ეს გუნდისთვის და ქომაგისთვის დიდებულია. როცა ისეთ მსოფლიო-კლასის ფეხბურთელებს ვადევნებთ თვალს, რომლებიც ჩვენთან მოვიდნენ ეს ამაღელვებელ დროს ქმნის ჩვენთვის. ჩემთვის, როგორც მოთამაშისთვის, მნიშვნელოვანია გუნდში მიხვიდე და მასთან ერთად წარმატებას მიაღწიო."

"დარწმუნებული ვარ, გუნდის შერჩევა რთული პრობლემაა მწვრთნელისთვის, მაგრამ ეს კარგი თავსატეხია. ახლა უამრავი ფეხბურთელი გვყავს, რომელთაც შეუძლიათ შემოვიდნენ და ვითარება შეცვალონ."

წყარო: manutd.com