"მანჩესტერ იუნაიტედის" მთავარმა მწვრთნელმა, ლუი ვან გაალმა განაცხადა, რომ ჩემპიონთა ლიგაზე არ ყოფნაში დადებითს ვერაფერს ხედავს.
საზოგადოდ ითვლება, რომ შარშანდელ სეზონში "ლივერპულს" საჩემპიონო რბოლაში მონაწილეობის მიღებაში ევროტურნირზე არ ყოფნა დაეხმარა. ვან გაალს კი მიაჩნია, რომ ამაში სასარგებლო არაფერია.
"ვფიქრობ, ჯობია მსოფლიოს საუკეთესო კლუბებს ებრძოდე, ვიდრე მთელი კვირის განმავლობაში ვარჯიშობდე. ამიტომაც მიმაჩნია, რომ ჩემპიონთა ლიგაზე თამაში სასარგებლოა, რადგან იქ მაღალი დონის გუნდებს ეჭიდები."
"ამ კვირაში თავადაც იხილავდით ამას: "ჩელსიმ" 1-1 ითამაშა, "ლივერპულმა" მხოლოდ უკანასკნელ წუთებზე მოიგო, "არსენალმა" კი წააგო - ასეთია ეს ტურნირი."
"თითოეულ გუნდს კარგი ფეხბურთელები ჰყავს, არა მარტო 16, არამედ 25, რაც ნიშნავს, რომ არავითარი პრობლემა არ იქნებოდა ასეთ ტურნირზე თამაში."