მიმდინარე სეზონის დასრულების შემდეგ შესაძლოა "იუნაიტედმა" Nike-ს მაისური ტურნეზე გასამართ ამხანაგურ შეხვედრებში მოირგოს.
როგორც ვიცით, მომდევნო წლიდან "იუნაიტედის" ტექნიკური სპონსორი Adidas-ი იქნება, რომელიც ფორმას "ბაიერნის", "რეალისა" და მსოლფიოს მოქმედი ჩემპიონების, გერმანიის ნაკრებისთვისაც კერავს.
პრობლემა იმაში მდგომარეობს, რომ "იუნაიტედისა" და Nike-ს კონტრაქტი 2015 წლის 31 ივლისამდეა მოქმედი. ამგვარად, წინასასეზონო მზადების დროს ლუი ვან გაალის შეგირდებს ძველი ფორმის ტარება მოუწევთ.
The Telegraph-ის ცნობით, "იუნაიტედს" არ ჰქონია Nike-თან კონტრაქტის გაწყვეტის მცდელობა. სხვათაშორის, როგორც მოსალოდნელია, "იუნაიტედი" მომდევნო წელსაც აშშ-ს ეწევევა, სადაც განსაკუთრებული პოპულარობით სარგებლობენ.