"ლესტერის" ახალი გმირი, ლეო ულოა არგენტინის პატარა ქალაქიდან მოდის.

მას კი ძალიან დიდი ოჯახი ჰყავს, რომელშიც ადრიან სეგუნდოც შედის. ის ულოას ბაბუა გახლავთ და ახლახანს გადაიტანა ოპერაცია, რის შემდეგაც ღმერთს კიდევ უფრო დაუახლოვდა. დღეს ის აუცილებლად ილოცებს შვილიშვილისთვის, რომ ლეომ წარმატებული სვლა მესამე ტურშიც გააგრძელოს.

28 წლის ულოას ანგარიშზე პრემიერ-ლიგის პირველ 4 შეხვედრაში 3 გოლია.

მაგრამ მისი გამოჩენა გუნდში ადვილად არ მომხდარა.

როცა როხო და დი მარია ადგილობრივ კლუბში ირიცხებოდნენ და ევროპაში დიდი თანხის სანაცვლოდ გადაბარგდნენ, ულოას 15 წლის ასაკში 1000 მილის გავლა მოუხდა, რათა "კოდოვო რივადავიას" რიგებში ეთამაშა.

ამის შემდეგ ბუენოს აირესში გადავიდა, რათა "სან ლორენცოში", "არსენალ სარანდიასა" და "ოლიმპიოში" ეთამაშა. ამის შემდეგ იგი ესპანეთში შეამჩნიეს და "კასტილიონსა" და "ალმერიას" რიგებშიც მოახერხა თამაში.

საბოლოოდ კი იგი "ბრაიტონმა" წაიყვანა, რასაც "ლესტერის" მიერ გადაბირება მოსდევდა.

თუმცა ულოასთვის უფრო მნიშვნელოვანი სწორედ ის ოჯახია, რომელიც მან ახალგაზრდულ ასაკში მიატოვა, რათა უფროსი ბაბუას, ხოსე ომარის სურვილი აესრულებინა.

ულოას მიერ გოლის აღნიშვნა "ოჯახის სიმბოლოს" გამოხატავს.

"ბაბუაჩემი მთელი ოჯახისთვის მნიშვნელოვანია. მას 11 შვილი ჰყავს. 6 ქალიშვილი და 5 ვაჟი"

"ეს დიდი ოჯახია. ის ყოველ უქმეებზე ჩვენთან ერთად იყო, საკვირაო ლანჩსა და "ბარბექიუს" ვაწყობდით."

"გრილთან მუდამ ის იდგა. სუფრის თავში ყოველთვის ის იჯდა, ირგვლივ კი მთელი ოჯახი."

"ჩემი ქალაქი "ლესტერს" უჭერს მხარს, მაგრამ დანარჩენი არგენტინა "მანჩესტერ იუნაიტედის" მხარეს იქნება."

"ამ შესანიშნავ პერიოდში წინა კვირას ბაბუამ მუცლის ოპერაცია გაიკეთა, მაგრამ ახლა კარგად არის."

"ჩამოსვლა არ შეუძლიათ. მამაჩემი ჩამოვიდოდა, რადგან ეს მნიშვნელოვანი შეხვედრაა, მაგრამ ალბათ ტელევიზორში ადევნებენ თვალს."

"იქნებ მომდევნო თვეში ჩამოვიდნენ და უყურონ."

"ესპანეთში სიტუაციიდან გამომდინარე წავედი. მე მყავდა ცოლი და ქალიშვილი სოფია. ვალდებული ვიყავი, რადგან მოვლენები კარგად არ ვითარდებოდა, ასე რომ, აუცილებელი იყო ესპანეთის მეორე დივიზიონში გადავსულიყავი."

"იმდენად ჩემი სურვილი არ იყო, რადმენადაც აუცილებლობა."

"ყველაზე მეტად დედაჩემი სწუხდა. მას სამი ვაჟი ჰყავს და მე უმცროსი ვარ. მამაჩემს და ჩემ ძმებს ფეხბურთი უყვართ და იცოდნენ, რომ ეს ჩემი ოცნება იყო."

"რთული იყო, მაგრამ ყველაფერმა ჩაიარა. ღირდა ამად."

წყარო: dailystar