ლუი ვან გაალს იმედი აქვს, რომ "ქპრ"-ს დამარცხება მხოლოდ საწყისია.
"წითლების" მთავარი მწვრთნელის მიზანი "იუნაიტედის" იმ სიმაღლეებზე დაბრუნება, რომელზეც გუნდი სერ ალექს ფერგიუსონის დროს იმყოფებოდა - ლონდონელთა განადგურება კი ყველაფრის საწყისია.
ვან გაალს გაგრძელება სურს.
"ვფიქრობ, შედეგი ძალიან კარგი იყო - 4-0 კარგი შედეგია, მაგრამ ჩვენი თამაშის ხარისხითაც ძალიან ისიამოვნებდა გულშემატკივარი."
"იმედი მაქვს ამას კიდევ ერთხელ გავაკეთებთ, რადგანაც სწორედ ეს არის ჩვენი მიზანი და მატჩის დანიშნულება გულშემატკივართა გართობაა."
"ეს ადვილი არ არის, რადგან "იუნაიტედის" თითოეულ მოწინააღმდეგეს საუკეთესო თამაშის ჩვენების სურვილი აქვს. ამის დანახვა "სანდერლენდთან", "ბარნლისთან" შეგეძლოთ და ვფიქრობ ამასვე იხილავთ "ლესტერთან".
"გულშემატკივარი მოდის, ყოველთვის ბოლომდე სავსე და ფანტასტიური ატმოსფეროა და ამიტომაც ძალიან რთულია მატჩის მოგება."
"უნდა აღვნიშნო, როცა "ბაიერნისა" და "ბარსელონას" მწვრთნელი ვიყავი მაშინაც მსგავსი რამ ხდებოდა, რადგანაც ისინი თავიანთი ქვეყნის საუკეთესო გუნდები იყვნენ და ყველას სურდა მათი დამარცხება."
"იუნაიტედშიც" ამასვე ვგრძნობ და ასეთი სახის სპორტისთვის ეს კარგიცაა."
"მაგრამ ასევე უნდა ვთქვა, რომ ადვილი არასოდესაა ესპანეთის ლიგაში ან გერმანიის ლიგაში და იგივეა პრემიერ-ლიგაშიც."
"ლესტერმა" სახლში "არსენალი" მიიღო, შემდეგ "ჩელსის" გასვლაზე ეთამაშა და ერთი საათის განმავლობაში ანგარიში 0-0 იყო, ასე რომ, არ ვფიქრობ, რომ კვირას ადვილი შეხვედრა გვექნება."
"ლესტერის" ხასიათი ამაღლებულია, მაგრამ მე რა თქმა უნდა გაგრძელება და გასული კვირის დონის გაუმჯობესება მსურს."
ვან გაალმა მსოფლიო ჩემპიონატზე ჰოლანდიის ნაკრებთან ერთად მიღწეული წარმატების შემდეგ "იუნაიტედშიც" 3-5-2 სქემიანი ტაქტიკა დანერგა და პირველი ოთხი ოფიციალური შეხვედრა სწორედ ასეთი ტაქტიკით ითამაშა - "სუონსის", "სანდერლენდის", "ბარნლისა" და "მკ დონსის" წინააღმდეგ.
თუმცა კვირას, "ქპრ"-სთან შეხვედრაში გუნდი 4-4-2 ფორმაციით გამოვიდა. "მე უკვე ვთქვი, რომ ასეთი სისტემით მოთამაშეთა ხარისხის გამო ვთამაშობდით, ახლა კი კარგი ფეხბურთელებიც დავიმატეთ."
"შემდეგ უნდა გადახედო მოთამაშეთა ხარისხს, უნდა მიიტანო მათთან ფილოსოფია, რომელიც ჩვენ გვაქვს და შემდეგ სისტემასაც მიიღებ. თუმცა შეცვლაც შესაძლებელია. ჯერ გადაწყვეტილი არ არის."